________________
ਸੁਧਰਮਾ ਸਵਾਮੀ
ਜੈਨ ਧਰਮ ਵਿਚ ਸੁਧਰਮਾ ਸਵਾਮੀ ਨੂੰ ਹਰ ਕੋਈ ਜਾਣਦਾ ਹੈ । ਆਪ ਵੀ ਪਾਵਾ ਵਾਲੇ ਯੱਗ ਵਿਚ ਸ਼ਾਮਲ ਸਨ । ਆਪ ਦਾ ਜਨਮ ਕੋਲਾਂਗ ਸ਼ਨੀਵੇਸ਼ ਵਿਖੇ ਅਗਨੀਵੈਸ਼ਾਆਯਾਨ ਕੁਲ ਵਿਚ ਹੋਇਆ । ਆਪ ਦੀ ਮਾਤਾ ਭਦਲਾ ਅਤੇ ਪਿਤਾ ਧੁਮਿਲ ਸਨ । ਆਪ ਨੂੰ ਲੋਕ ਪਰਲੋਕ ਬਾਰੇ ਸ਼ੰਕਾ ਸੀ ।
ਆਪ 50 ਸਾਲ ਦੀ ਉਮਰ ਵਿਚ ਸਾਧੂ ਬਣੇ । 42 ਸਾਲ ਤੱਕ ਸਾਧੂ ਜੀਵਨ ਗੁਜ਼ਾਰਿਆ । 8 ਸਾਲ ਕੇਵਲ ਗਿਆਨ ਅਵਸਥਾ ਵਿਚ ਰਹੇ । ਆਪ 11 ਗਨਧਰਾਂ ਵਿਚੋਂ ਸਭ ਤੋਂ ਲੰਬੀ ਉਮਰ ਵਾਲੇ ਸਨ । ਅੱਜ ਤੋਂ ਜੈਨ ਸ਼ਾਸ਼ਤਰ ਮਿਲਦੇ ਹਨ ਉਨ੍ਹਾਂ ਸਭ ਸ਼ਾਸ਼ਤਰਾਂ ਦਾ ਸੰਗ੍ਰਹਿ ਆਪ ਦੇ ਪ੍ਰਮੁੱਖ ਸ਼ਿਸ਼ ਅੰਤਮ ਕੇਵਲੀ ਭਗਵਾਨ ਜੰਬੂ ਸਵਾਮੀ ਰਾਹੀ ਕੀਤਾ ਗਿਆ ਹੈ । ਮੰਡੀਕ ਸਵਾਮੀ
ਇਨ੍ਹਾਂ ਯੱਗ ਕਰਨ ਵਾਲੇ ਵਿਦਵਾਨਾਂ ਵਿਚੋਂ ਇਕ ਮੰਡੀਕ ਨਾਂ ਦੇ ਵਿਦਵਾਨ ਵੀ ਸਨ ।ਉਨ੍ਹਾਂ ਦਾ ਜਨਮ ਮੋਰਿਆ ਸ਼ਨੀਵੇਸ਼ ਵਿਖੇ ਬ੍ਰਾਹਮਣ ਕੁਲ ਵਿਚ ਹੋਇਆ । ਉਸ ਦਾ ਗੋਤ ਵਸ਼ਿਸ਼ਟ ਸੀ । ਮਾਤਾ ਦਾ ਨਾਂ ਵਿਜੈਦੇਵੀ ਸੀ ਪਿਤਾ ਦਾ ਨਾਂ ਧੰਨਦੇਵ ਸੀ । ਉਹ 350 ਚੇਲਿਆਂ ਦਾ ਗੁਰੂ ਸੀ । ਉਸਨੂੰ ਕਰਮ ਦੇ ਸੰਗ੍ਰਹਿ ਤੇ ਮੁਕਤੀ ਬਾਰੇ ਸ਼ੰਕਾ ਸੀ । ਭਗਵਾਨ ਮਹਾਵੀਰ ਨੇ ਉਸ ਦੀ ਮੁਕਤੀ ਸਬੰਧੀ ਸ਼ੰਕਾ ਦੂਰ ਕੀਤੀ ।ਉਹ 350 ਚੇਲਿਆਂ ਨਾਲ ਭਗਵਾਨ ਮਹਾਵੀਰ ਦਾ ਚੇਲਾ ਬਣ ਗਿਆ ।ਸਾਧੂ ਬਣਨ ਸਮੇਂ ਆਪ ਦੀ ਉਮਰ 53 ਸਾਲ ਸੀ। 67 ਸਾਲ ਦੀ ਉਮਰ ਵਿਚ ਆਪ ਨੂੰ ਕੇਵਲ ਗਿਆਨ ਪ੍ਰਾਪਤ ਹੋਇਆ । 83 ਸਾਲ ਦੀ ਉਮਰ ਵਿਚ ਆਪ ਦਾ ਰਾਜਗ੍ਰਹਿ ਵਿਖੇ ਗੁਣਸ਼ੀਲ ਬਾਗ ਵਿਚ ਨਿਵਾਰਨ ਹੋਇਆ ।
ਮੋਰੀਆ ਪੁਤਰ
ਭਗਵਾਨ ਮਹਾਵੀਰ ਦੇ ਸਤਵੇਂ ਗੁਲਧਰ ਦਾ ਨਾਂ ਮੋਰੀਆ ਪੁੱਤਰ ਸੀ ।ਮੋਰੀਆ ਪੁੱਤਰ ਦਾ ਕਾਸ਼ਯਪ ਗੋਤ ਸੀ । ਉਸ ਦੇ ਪਿਤਾ ਦਾ ਨਾਉ ਮੋਰਿਆ ਅਤੇ ਮਾਂ ਦਾ ਨਾਂ ਵਿਜੈਦੇਵੀ ਸੀ । ਉਸ ਦਾ ਪਿੰਡ ਮੋਰਿਆ ਸ਼ਨੀਵੇਸ਼ ਸੀ । ਉਹ ਵੀ ਪਾਵਾਪੁਰੀ ਵਿਖੇ ਆਪਣੇ 350 ਚੇਲਿਆਂ ਨਾਲ ਯੱਗ ਵਿਚ ਸ਼ਾਮਲ ਹੋਇਆ ਸੀ । ਉਹ ਭਗਵਾਨ ਮਹਾਵੀਰ ਦੀ ਪ੍ਰਸੰਸਾ ਸੁਣ ਕੇ ਭਗਵਾਨ ਮਹਾਵੀਰ ਕੋਲ ਆਇਆ। ਭਗਵਾਨ ਮਹਾਵੀਰ ਨੇ ਉਸ ਦੀ ਦੇਵਤਾ ਅਤੇ ਦੇਵਲੋਕ ਬਾਰੇ ਸ਼ੰਕਾ ਦੂਰ ਕੀਤੀ ।
ਦੀਖਿਆ ਸਮੇਂ ਉਸ ਦੀ ਉਮਰ 65 ਸਾਲ ਸੀ ।79 ਸਾਲ ਦੀ ਉਮਰ ਵਿਚ ਆਪ ਨੂੰ ਕੇਵਲ ਗਿਆਨ ਪ੍ਰਾਪਤ ਹੋਇਆ । 95 ਸਾਲ ਦੀ ਉਮਰ ਵਿਚ ਆਪ ਦਾ ਰਾਜਗ੍ਰਹਿ ਦੇ ਗੁਣਸ਼ੀਲ ਬਾਗ ਵਿਚ ਨਿਰਵਾਨ ਹੋਇਆ ।
74
ਭਗਵਾਨ ਮਹਾਵੀਰ
