________________
मुन्दरबोधिनी टीका वर्ग ४ अ. १ श्रीदेवीवर्णनम्
३३३ सयमेव आभरणमल्लालंकारं ओमुयइ, जहा देवागंदा पुष्फचूलाणं अंतिए जाव गुत्तबंभयारिणी तएणं सा भूया अजा अण्णया कयाई सरीरबाओसिया जाया यावि होत्था हत्थे धोवइ, पाये धोवइ, एवं सीसं धोवइ, मुहं धोवइ, थणगंतराइं धोवइ, कक्खतराई धोवइ, गुज्झंतराइं धोवइ. जत्थ जत्थ वि य णं ठाणं वा सिंजं वा निसीहियं वा चेएइ, तत्थ तत्थ वि य णं पुवामेव पाणएणं अब्भुक्खेइ । तओ पच्छा ठाणं वा सिजं वा निसीहियं वा चेएइ। तएणं ताओ पुप्फचूलाओ अज्जाओ भूयं अनं एवं क्यासी अम्हे णं देवाणुप्पिए ! समणीओ निग्गंथीओ इरियासमियाओ जाव गुत्तबंभयारिणीओ, नो खलु कप्पइ अम्हं सरीरबाओसियाणं होतए, तुमं च णं देवाणुप्पिए ! सरीरबाओसिया अभिक्खणं २ हत्थे धोवसि जाव निसीहियं चेएसि, तं गं तुमं देवाणुप्पिए ! एयरस ठाणस्स आलोएहि त्ति, सेसं जहा सुभद्दाए जाव पाडियकं उबस्सयं उवसंपज्जिता णं विहरइ । तएणं सा भूया अज्जा अणोहटिया अणिवारिया सच्छंदमई अभिक्खणं २ हत्थे धोवइ जाव चेएइ। तएणं सा भूया अजा बहहिं चउत्थछटु० बहूई वासाइं सामण्णपरियागं पाउणित्ता तस्स ठाणस्स अणालोइयपडिकंता कालमासे कालं किच्चा सोहम्मे कप्पे सिस्विडिसए विमाणे उववायसभाए देवसगणिनंति जावतोगाहणाए लिरिदेविताए उववण्णा पंचविहाए पज्जत्तीए भासामणपज्जत्तीए पत्ता । एवं
