________________
२१
जे भिक्खू माउग्गामस्स मेहुणवडियाए पोसंतं वा पिट्ठतं वा सोयंत वा भल्लापण उप्पारत्ता सीओदगवियडेण वा उसिणोदगवियडेण वा उच्छोल्लेज्ज वा पधोएज्ञ वा उच्छोलेंतं वा पोएं वा साइज्जइ ||१५||
जे भिक्खू माउग्गामस्त मेहुणवडियाए पोसंतं वा पिट्ठतं वा सोयतं वा उच्छोलेत्ता पधोवेत्ता अन्नयरेणं आलेवणजाएणं आलिंपेज्ज वा विलिपेज्ज वा आलिपंत वा विलिपंत चा साइज्जइ ॥ १६ ॥
जे भिक्खू मागामस्त मेहुणवडियाए पोसत वा पिट्ठत वा सोयंत वा उच्छोलेत्ता पधोएत्ता आलिपेत्ता विलिपेत्ता तेल्लेण वा घएण वा वसाए वा णवणीपण वा अभंगेज्ज वा मक्खेज्ज वा अभंगतं वा मक्तं वा साइज्जइ ॥ १७॥
जे भिक्खू माउग्गामस्स मेहुणचडियाए पोसतं वा पिट्ठतं वा सोयंतं वा उच्छोलेत्ता पधोएत्ता आलिपेत्ता विलिपेत्ता अभंगेत्ता मक्खेत्ता अन्नयरेण धूवणजाएण धूवेज्ज वा पधूवेज्ज वा धूर्वेतं वा पधूवेंतं वा साइज्जइ ||१८||
जे भिक्खू माउग्गामस्त मेहुणवडियाए कसिणारं वत्थाई धरेइ धरेतं वा साइज्जइ ।
जे भिक्खू माउग्गामस्स मेहुणवडियाए अहयाई वत्थाई घरेइ धरेतं वा साइज्जह ||२०|| जे भिक्खू माउग्गामस्त मेहुणवडियाए धोवाइ वत्थाई धरेइ धरेतं वा साइज्जइ ||२१|| जे भिक्खु माउग्गामस्स मेहुणवडियाए चित्ताई चत्थाई धरे धरेंत वा साइज्जइ ||२२|| जे भिक्खु माउग्गामस्स मेहुणवडियाए विचित्तारं वत्थाई घरे धरतं वा साइज्जइ ||२३||
जे भिक्खु माउग्गामम्स मेहुणवडियाए अप्पणो पाए आमज्जेज्ज वा पमज्जेज्ज वा आमज्जंतं वा पमज्जतं वा साइज्जइ ||२४||
एवं तइयउद्दे से जो गमो सो चेव इहंपि मेहुणवडियाए णेयव्वो जाव जे भिक्खू माउग्गामस्स मेहुणवडियाए गामाणुगामं दुइज्जमाणे अप्पणो सीसदुवारियं करेइ करेंतं वा साइज्जइ ||२५||
जे भिक्खू माउग्गामस्स मेहुणवडियाए खीरं वा दहिं वा णवणीयं वा सपि वा गुलं वा खंड वा सक्करं वा मच्छंडियं वा अन्नयरं वा पणीयं आहारं आहारेइ आहतं वा साइज्जइ ||२६||
तं सेवमाणे आवज्जइ चाउम्मासियं परिहारद्वाणं अणुग्धाइयंति ||२७| ॥ निसीहज्झयणे छट्ठो उद्देसो समत्तो ॥
