________________
जम्बूद्वीपप्राप्तिसूत्र मगिपेढियाओ जोयणं आयामविक्खंभेणं अद्धजोयणं बाहल्लेणं सव्व. मणिमईया सीहासणा भाणियव्वा ।
तेसिणं पेच्छाघरमंडवाणं पुरओ मणिपेढियाओ पण्णत्ताओ, ताओ णं मणिपेढियाओ दो जोयणाई आयामविक्खंभेणं जोयणं बाहल्लेणं सवमणिमईओ, तासि णं उप्पिं पत्तेयं २ तओ थूभा, ते णं थूभा जोयणाई उद्धं उच्चत्तेणं दो जोयणाई आयामविक्खंभेणं सेया संखतल जाव अटुट्ठमंगलगा।
तेसिणं थूभाणं चउदिसिं चत्तारि मणिपेढियाओ पण्णत्ताओ, ताओ णं मणिपेढियाओ जोयणं आयामविक्खंभेणं अद्ध जोयणं बाहल्लेणं, जिणपडिमाओ वत्तव्वाओ, चेइयरुक्खाणं मणिपेढियाओदोजोयणाई आयामविक्खंभेणं जोयणं बाहल्लेणं चेइयरुक्खवण्णओत्ति ।
तेसि णं चेइयरुक्खाणं पुरओ ताओ मणिपेढियाओ पण्णत्ताओ, ताओ णं मणिपेढियाओ जोयणं आयामविक्खंभेणं अद्धजोयणं बाहल्लेणं तासि णं उप्पि पत्तेयं २ महिंदज्झया पण्णत्ता, ते णं अद्धटुमाई जोयणाई उद्धं उच्चत्तेणं अद्धकोसं उठवेहेणं अद्धकोसं बाहल्लेणं वइरामयवट्टवण्णओ वेइया वणसंडतिसोवाणतोरणा य भाणियव्वा ।
तासिणं सभाणं सुहम्माणं छच्च मणोगलिया साहस्सीओ पण्णत्ताओ, तं जहा-पुरस्थिमेणं दो साहस्तीओ पण्णत्ताओ पञ्चत्थिमेणं दो साहस्सीओ दक्खिणेणं एगा साहस्सी उत्तरेणं एगा जाव दामा चिटुंतित्ति, एवं गोमाणसियाओ. णवरं धूवघडियाओत्ति,
तासि णं सुहम्माणं सभाणं अंतो बहुसमरमणिज्जे भूमिभागे पण्णत्ते, मणिपेढिया दो जोयणाई आयामविक्खंभेणं जोयणं बाहल्लेणं तासि णं मणिपेढियाणं उपि माणवए चेइयखंभे महिंदज्झयप्पमाणे उपरि छक्कोसे ओगाहित्ता हेट्रा छक्कोसे वजित्ता जिणसकहाओ पण्णत्ताओत्ति, माणवगस्त पुवेणं सीहासणा सपरिवारा पञ्चत्थिमेणं सय
