________________
प्रमेययोति का टीका प्र.३ उ.३ खु.११३ चन्द्रविमानवाहको स्यादिनि० ९६१ सोभंतसस्सिरीयाणं पउनुप्पलसगलसुरभिमालाविभूसियाणं वइरखुराणं विविधविखुराणं फालियामयदंताणं तवणिजजीहाणं तवणिजताल्लुयाणं तवणिज्जजोत्तगसुजोइयाणं कामगमाणं पीइगमाणं मणोगमाणं मगोरमाणं मणोहराणं अमियगईणं अमियबलवीरिय पुरिसकारपरकमाणं महया गंभीरगजियरवेणं मधुरेणं मणहरेण य पूरेता अंबरं दिसाओ य सोभयंता चत्तारि देव साहस्सीओ वसभरूवधारिणं देवाणं पञ्चस्थिमिल्लं बाहं परिवहति ।
चंद विमाणस्स णं उत्तरेणं सेयाणं सुभगाणं सुप्पभाणं जच्चाणं तरमल्लिहायणाणं हरिमेलामदुलमल्लिंयच्छाणं घणणि. चियसुबद्धलक्खपुण्णयाचंकमि (चंचुच्चि) यललियपुलियचल. धवलचंचलगईणं लंघणवग्गणधावणधारणइवइजईणसिक्खियगईणं सण्णयपासाणं ललंतलामगलायवरभूसणाणं संणयपासाणं संगयपासाणं सुजायपासाणं मियमायितपीणरइयपासाणं झसविहगसुजायकुच्छीणं पीणपीवरवटियसुसंठियकडीणं ओलंबपल्लवलक्खणपमाणजुत्तपसत्थरमणिज्जबालगंडाणं तणुसुहुमसुजायणिद्धलोमच्छविधराणं मिउविसयपसत्थसुहमलक्षण विकिण्णकेसरवालिधराणं ललियसविलासगई (ललंत थासगल) लाडवरभूसणाणं मुहमंडगोचूलचमरथासगपरिमंडियकडीणं तवणिजखुराणं तवणिजजीहाणं तवणिज्जतालुयाणं तवणिज्जजोत्तगसुजोइयाणं कामगमाणं पीइगमाण मणोगमाणं मणोहराणं अमियगईणं अमियबलवीरियपुरिसकारपरकमाणं महया हयहेसियकिलकिलाइयरवेणं महुरेणं मणहरेण य परेता अंबरं दिसाओ य सोभयंता चत्तारि देव साहस्सीओ यस्वधारिणं उत्तरिल्लं वाहं परिवहति ।
