________________
९०४
जीवामिगमसत्रे अथ जम्बूद्वीपादयो नाम्ना गण्यन्तेमूलम्-केवइयाणं भंते ! जंबूदीया दीवा नामधेन्जेहि पन्नत्ता ? गोयमा ! असंखेजा जंबूदीवा दीवा नामधेज्जेहि पन्नत्ता । केवइयाणं भंते ! लवणसमुदा-२ पन्नत्ता ? गोयमा! असंखेजा लवणसमुदा नामधेज्जेहिं पन्नत्ता । एवं धायइसंडा वि एवं जाव असंखेज्जा सूरदीवा नामधेज्जेहि य । एगे देवे दीवे पन्नत्ते, एगे देवोदे समुद्दे पन्नत्ते, एवं-णागे जक्खे भूए जाव एगे सयंभूरमणे दीवे एगे सयंभूरमणसमुद्दे णामधेज्जेणं पन्नत्ते । लवणस्त णं भंते ! समुदस्स उदए केरिसए अस्साएणं पन्नत्ते ? गोयमा ! लवणस्स उदए आइले-२ रइले लिंदे लवणे कडुए अपेज्जे वहणं दुपय चउप्पय मिगपसु पक्खिसरिसवाणं णण्णत्थ तज्जोणियाणं सत्ताणं । कालोयस्स णं भंते ! समुदस्स उदए केरिसए अस्साएणं पन्नत्ते ? गोयमा! आसले-पेसले-मासले-कालए-भासरासिवण्णाभे पगईए उदगरसेणं पन्नत्ते । पुक्खरोदस्स णं भंते ! समुदस्स उदए केरिसए पन्नत्ते ? गोयमा ! अच्छे जच्चे तणुए. फालियवण्णाभे पगईए उदगरसेणं पण्णत्ते । वरुणोदस्स णं भंते ! गोयमा ! जे जहा णामए पत्तासवेइ वा चोयासवेइ वा खज्जूरसारेइ वा सुपिक खोयरसेइ वा मेरएइ वा काविसायणेइ वा चंदप्पभाई वा मणसिलाइ वा वरसीधूइ वा वरवारुणी वा अटपिट्टपरिणिटियाइ वा जंबूफलकालिया वरप्पसण्णा उक्कोस. मदप्पत्ता ईसि उटावलंबिणी ईसितंवच्छिकरणी ईसिबोच्छेयकरणी आसला मासला पेसला वण्णेणं उक्वेया जाव णो
इणटे समटे वरुणोदए इत्तो इटुतरा चेव जाव अस्साएणं पन्नत्ते। - खीरोदस्स णं भंते ! समुदस्स उदए केरिसए अस्लाएणं
