________________
जीवाभिगमसूत्र बावटें जोयणसयं किंचि विसेसाहियं परिक्खेवेणं पण्णत्ता.मूले विच्छिण्णा मज्झे संखित्ता उपि तणुया-गोपुच्छसंठाणसंठिया सव्वंजणामया अच्छा जाव पत्तेयं-२ पउमवरवेइया परि० पत्तेयं-२ वणसंणपरिक्खित्ता वण्णओ। तेसि णं अंजणपव्वयाणं उवरि पत्तेयं-२ बहुसमरमणिज्जो भूमिभागो पन्नत्तो, से जहाणामए आलिंगपुक्खरेइ वा जाव सति । तेसि णं बहुसमरमणिज्जाणं भूमिभागाणं बहुमज्झदेसभाए पत्तेयं-२. सिद्धाययणा एगमेगं जोयणसयं आयामेणं पण्णासं जोयणाई विक्खंभेणं बावत्तरि जोयणाई उड्ढे उच्चत्तेणं अणेगखंभसयसंनिविटा वण्णओ । तेसि णं सिद्धाययणाणं पत्तेयं-२ चउदिसि चत्तारि दारा पन्नत्ता तं जहा-देवदारे-असुरदारे-णागद्दारेसुवण्णदारे, तत्थ णं चत्तारि देवा महड्डिया जाव पलिओवमदिईया परिवसंति तं जहा-देवे-असुरे-नागे सुवन्ने ते णं दारा सोलस जोयणाई उड्ढं उच्चत्तेणं अड्डजोयणाइं विक्खंभेणं तावइयं चेव पवेसेणं, सेया वरकणग० वण्णओ जाव वणमाला। तेसि णं दाराणं चउदिसिं चत्तारि मुहमंडवा पन्नत्ता, ते णमुहमंडवा एगमेगं जोयणसयं . आयामेणं पंचासं जोयणाई: विक्खंभेणं साइरेगाणं सोलसजोयणाई उड्डूं उच्चत्तेणं वण्णओ। तेसिणं मुहमंडवाणं चउदिसिं (तिदिर्सि) चत्तारि (तिन्नि) दारा पन्नत्ता । ते णं दारा सोलसजोयणाइं उड़े उच्चत्तेणं अट्ठ' जोयणाई विखंभेणं तावइयं चेव पवेसेणं सेसं तं चेव जाव वणमालाओ । एवं पेच्छाघरमंडवा वि, तं चेव पमाणं जं मुहमंडवाणं, दारा वि तहेव, णवरं बहुमज्झदेसे पेच्छाघर मंडवाण अक्खाडगा मणिपेढियाओ अद्धजोयणप्पमाणाओ सीहासणा अपरिवारा जाव दामा थूभाई चउदिसिं तहेव नवरं
