________________
प्रमैयद्योतिको टीका . ३ उ.३ सू ५५ जंवूद्रीपद्वारसंख्यादि निरूपणम् ३७ दामकलावा जाव सुकिल्ल सुत्त वद्धवग्धारियमल्लदामकलावा। ते णं दामा तवणिज लंबूसगा सुवण्णपतरगमंडिया णाणा. मणिरयणविविहहारद्धहारउवसोभिय समुदया जाव सिरीए अतीव अतीव उवसोभेमाणा उक्सोभेमाणा चिटुंति ॥ तेसिणं नागदंतगाणं उवरि अण्णाओ दो दो णागदंतपरिवाडीओ पन्नत्ताओ। तेसि णं णागदंतगाणं मुत्ताजालंतरूसिया तहेव जाव समणाउसो!। तेसु णं णागदंतएसु बहवे रययामया सिकया पन्नत्ता, तेसु णं रययामएसु सिकएसु बहवे वेरुलिया मईओ धूवघडीओ पन्नत्ताओ तं जहा-ताओ णं धूवघडीओ कालागुरुपवरकुंदरुकतुरुक्ख धूवमघमघतगंधुद्ध्याभिरामाओ सुगंधवरगंधगंधियाओ गंधवहिभूयाओ ओरालेणं मणुण्णेणं घाणमणणिव्वुइकरेणं गंधेणं ते पएसे सवओ समंता आपूरेमाणीओ आपूरेमाणीओ अतीव अतीव सिरीए जाव चिटुंति। विजयस्स णं दारस्स उभयओ पासिं दुहओ णिसीहियाए दो दो सालभंजिया परिवाडीओ पण्णत्ताओ ताओणं सालभंजियाओ लीलट्ठियाओ सुपयट्टियाओ सुअलंकियाओ गाणागारवसणाओ णाणामल्लपिणद्धाओ मुट्टिगेज्झमज्झाओ आमेलगजमलजुयलवट्टिय अब्भुण्णय पीणरइय संठियपओहराओ रत्तावंगाओ असियकेसीओ मिउविसय पसत्थलक्खण संवेल्लियग्गसिरयाओ ईसिं असोगवरपायवसमुवट्रियाओ वामहत्थगहियग्गसालाओ ईसिं अड्डच्छिकडक्ख चिट्रिएहिं लूसेमाणीओ इव चक्खुलोयणलेसाहिं अण्णमण्णं खिजमाणीओ इव पुढवी परिणामाओ सासयभावमुवगयाओ चंदाणणाओ चंदविलासणीओ चंदद्धसमनिडालाओ चंदाहियसोम्मदंस
