________________
२६०
जीवाभिगमसूत्र खंभे वइरामएसु गोलवसमुग्गकेसु बहुओ जिणसकहाओ संनिक्खित्ताओ चिट्ठति जाओणं देवाणुपियाणं अन्नेसिंच बहणं विजयरायहाणिवत्थव्वाणं देवाणं देवीण य अच्चणिजाओ वंदणिज्जाओ पूणिज्जाओ सकारणिज्जाओ सम्माणणिज्जाओ कल्लाणं मंगलं देवयं चेइयं पज्जुवासणिज्जाओ एयणं देवाणुप्पियाणं पुवि वि सेयं एयण्णं देवाणुप्पियाणं पच्छा वि सेयं एयण्णं देवाणुप्पियाणं पुट्वि करणिज्जं पच्छा करणिज्जं एतण्णं देवाणुप्पियाणं पुवि वा पच्छा वा जाव आणुगामियत्ताए भविस्सई तिकट्ठ महया महया जयजयसदं पउंति ॥ तएणं से विजए देवे तेसिं सामाणियपरिसोव. वण्णगाणं देवाणं अंतिए एयमट्टं सोचा णिसम्म हट्टतुट जाव हियए देवसयणिज्जाओ अब्भुटेइ अब्भुद्वित्ता दिव्वं देवदूसजुयलं परिहेइ परिहेइत्ता देवसयणिज्जाओ पञ्चोरुहइ पच्चोरुहित्ता उववायसभाओ पुरस्थिमेणं दारेणं णिग्गच्छइ णिग्गच्छित्ता जेणेव हरते तेणेव उवागच्छइ उवागच्छित्ता हरयं अणुपदाहिणं करेमाणे करेमाणे पुरथिमेणं तोरणेणं अणुप्पविसइ अणुप्पविसत्ता पुरथिमिल्लेणं तिसोवाणपडिरूवएणं पञ्चोरुहति पच्चोरुहित्ता हरयं ओगाहंति हरयं ओगाहित्ता जलावगाहणं करेंति करेत्ता जलमज्जणं करेंति करेत्ता जलकिडूं करेंति करित्ता आयंते चोक्खे परमसूइभूते हरयाओ पच्चुत्तरति पच्चुत्तरित्ता जेणामेव अभिसेयसभा तेणामेव उवागच्छति उवागच्छित्ता अभिसेयसभं पयाहिणं करेमाणे पुरथिमिल्लेणं दारेणं अणुप्पविसति अणुप्पविसित्ता जेणेव सए सीहासणे तेणेव उवागच्छइ उवागच्छित्ता सीहासणवरगते पुरच्छाभिमुहे सण्णि सपणे ॥५५॥ तएणं तस्स विजयस्स देवस्स सामाणिय परि
