________________
जीवाभिगमसूत्र पडिदुवारदेसभागा-आसत्तोसत्त विउलबहूवग्धारिय मल्लदामफलावा पंचवण्ण मुरससुरभिमुक्कपुप्फपुंजोवयारकलिता कालागुरुपवरकुंदरुकतुरुकधूवमघमघेत गंधुद्ध्याभिरामा सुगंधवरगंधिया गंधवटिभूया अच्छरगणसंघसंविकिन्ना दिव्वतुडियमहुरसहसंपडाइया सुरंमा सव्वरयणामई अच्छा जाव पडिरूवा । तीसे णं सोहम्माए सभाए तिदिसिं तओ दारा पन्नत्ता। तेणं दारा पत्तेयं पत्तेयं दो दो जोयणाई उडूं उच्चत्तेणं एगं जोयणं विक्खंभणं तावइयं चेव पवेसेणं सेया वरकणगथूभियागा जाव घणमालादारवन्नओ। तेसिणं दाराणं पुरओ मुहमंडवा पन्नत्ता। तेणं मुहमंडवा अद्धतेरस जोयणाई आयामेणं छ जोयणाई सकोसाई विक्खंभेणं साइरेगाई दो जोयणाई उड्ढे उच्चत्तेणं सुहमंडवा अणेगखंभसयसंनिविटा जाव उल्लोया भूमिभाग वण्णओ। तेसिणं मुहमंडवाणं उवरि पत्तेयं पत्तेयं अटू मंगलगा पण्णता जाव मच्छा । तेसि णं मुहमंडवाणं उवरिं पत्तेयं पत्तेयं पेच्छाघरमंडवा पन्नत्ता तेणं पेच्छाघरमंडवा अद्धतेरस जोयणाई आयामेणं जाव दो जोयणाई उट्टे उच्चत्तेणं जाव मणिफासो। तेसि णं बहुमज्झदेसभाए पत्तेयं पत्तेयं वइरामय अक्खाडगा पन्नत्ता । तेसि णं वइरामयाणं अक्खाडगाणं बहुमज्झदेसभाए पत्तेयं पत्तेयं मणिपीढिया पन्नत्ता । ताओ णः मणिपीढियाओ जोयणमेगं आयामविक्खंभेणं. अद्धजोयणं' बाहल्लेणं सव्वमणिमईओ अच्छाओ जाव पडिरूवाओ। तासि णं मणिपीढियाणं उप्पि पत्तेयं पत्तेयं सीहासणा पन्नत्ता सीहासण वण्णओ जाव दामा परिवारो। तेसि णं पेच्छाघरमंडवाणं उप्पिअट्ठ मंगलगा झया छत्ताइछत्ता। तेसि णं पेच्छाघर
