________________
१४८
.
जीवामिगमसूत्र तत्थ णं ते साणं वणसंडाणं साणं साणं पासायवडिसगाणं साणं साणं सामाणियाण साणं साणं अग्गमहिसीणं साणं साणं परिसाणं साणं साणं आयरक्खदेवाणं आहेवच्चं जाव विहरंति। विजयाए णं रायहाणीए अंतोवहुसमरमणिज्जे भूमिभागे पन्नत्ते जाव पंचवण्णेहिं मणीहिं उक्सोभिए तणसदविहुणे जाव देवा य देवीओ य आसयंति जाव विहरति । तस्स णं वहुसमरमणिज्जस्स भूमिभागस्स बहुमज्झदेसभाए एत्थ णं एगे महं
ओवरियालेणे पण्णत्ते वारस जोयणसयाइं आयामविक्खंभेणं तिन्नि जोयणसहस्साइं सत्तय पंचाणउत्ते जोयणसते किंचिविसेसाहिए परिक्खेवेणं अद्धकोसं वाहल्लेणं सव्वजंबूणतामत्तेणं अच्छे जाव पडिरूवे । तेणं एगाए पउमवरवेइयाए एगेणं वणसंडेणं सव्वतो समंता संपरिक्खित्ते पउमवरवेइयाए वण्णओ वणसंडवण्णओ जाव विहरति,से णं बणसंडे देसूणाई दो जोय. णाइं चकबालविक्खंभेणं ओवरियालयणसंपरिक्खेवेणं । तस्स णं ओवरियालयणस्ल चउदिसिं च चत्तारि तिसोवाणपडिरूवगा पन्नत्ता, वण्णओ तेसिणं तिसोवाणपडिरूवगाणं पुरतो पत्तेयं पत्तेयं तोरणा पन्नता छत्ताइछत्ता । तस्स णं उबरियालयणस्स उम्पिं बहुसमरमणिज्जे भूमिांगे पन्नतेजाव मणीहिं उर्वसोभिते मणिवण्णओ गंधरसफासो तस्सणं वहुसमरमणिज्जस्स भूमिभागस्स बहुमज्झदेसभाए एत्थ णं एगे सहं मूलपासायव. डिसगे पन्नत्ते सेणं पासायडिंसने बावष्टि जोयणाइं अद्धजोयणं च उड्खं उच्चत्तेणं एकतीसं जोयणाई कोसं च आयामविक्खंभेणं अभुग्गयभूसियप्पहसिते तहेव तस्ल णं पासायवसिगस्स अंतो वहुसमरमणिज्जे भूमिमागे पन्नत्ते जाव मणिफासे उल्लोए। तस्स णं बहुसमरमणिजस्स भूमिभागस्स बहुमज्झदेसभाए
