________________
जीवाभिगमन च्छिमजिएसु, उववाओ वक्कलीगमेणं जाव अणुत्तरोववाइया । सोहल्लीसाणेसु देवा एगसमएणं केवइया उववज्जंति? गोयमा ! जहन्नेणं एको वा दो वा तिणि वा उक्कोसेणं संखेजा वा असंखेज्जा वा उत्रवज्जंति, एवं जाव सहस्सारे, आणयादिगेवेजा अणुत्तरा य एको वा दो वा तिन्नि वा उक्को. सेणं संखेजा वा उववज्जति । सोहम्मीसाणेसु णं भंते! देवा समए समए अवहीरमाणा अवहीरमाणा केवइएणं कालेणं अवहिया सिया ?, गोयमा! ते णं असंखेज्जा समए २ अवहीरमाणा २ असंखेजाहिं उस्सप्पिणीहिं अवहीरति नो चेवणं अवहिया सिया जाव सहस्सारे, आणतादि गेसुचउसु वि, गेवेज्जेसु अगुत्तरेसु य समए २ जाव केवइय कालेणं अवहिया लिया ? गोयमा ! ते णं असंखेज्जा समए २ अवहीरमाणा पलि
ओवमस्त असंखेजइभागमेत्तेणं अवहीरंति, नो चेव णं अवहिया सिया । सोहम्मीसाणेसु णं भंते! कप्पेसु देवाणं के महालया सरीरोगाहणा पन्नत्ता ? गोयमा! दुविहा सरीरा पन्नत्ता, तं जहा-भवधारणिज्जा य उत्तरवेउव्विया य, तत्थ णं जे से भवधारणिज्जे से जहन्नेणं अंगुलस्स असंखेजइभागो उक्कोसेणं सत्त रयणीओ, तत्थ णं जे से उत्तरवेउविए से जहन्नेणं अंगुलस्त असंखेजड़भागो उकोसेणं जोयणसयसहस्सं, एवं एक्केका ओसारेत्ताणं जाव अणुत्तराणं एका रयणी, गेवे. जणुत्तराणं एगे भवधारणिज्जे सरीरे उत्तरवेउव्विया नस्थि । सोहम्मीसाणेसु णं देवाणं सरीरगा किं संघयणी पन्नत्ता ? गोयमा ! छण्हं संघयणाणं असंघयणी पन्नत्ता ? नेवट्रि नेव
छिरा न वि पहारू णेव संघयणमत्थि, जे पोग्गला इट्टा कता . जाव एएसि संघायत्ताए परिणमंति जाव अणुत्तरोववाइया।
