________________
४०२
जीवाभिगमसूत्र याए तिरिक्खजोणित्थीए। उरपरिसप्पिभुय परिसप्पित्थीणं जहा जलयरोणं खहयरतिरिक्खजोणित्थीण जहन्नेण अंतो मुहुत्तं उक्कोसेणं पलिओवभस्स असंखेज्जइ भागं पुव्वकोडि पुहुत्तमभहियं । मणुस्सित्थीणं भंते ! मणुस्सिस्थित्ति कालओ केवच्चिरं होइ ? गोयमा! खेत्तं पडुच्च जहन्नेणं अंतो मुहुत्तं उक्कोसेण तिन्नि पंलिओवमाई पुवकोडि पुहुत्तमभहियाई, धम्मचरणं पडुच्च जहन्नेण एक्कं समयं उक्कासेणं देसूणा पुव्वकोडी । एवं कम्मभूमियावि, भरहेरवयावि,णवरं खेत्तं पडुच्च जहन्नेण अंतो मुहुत्तं उक्कोसेणं तिन्नि पलिओवमाई देसूण पुव्वकाडी अब्भहियाई,धम्मचरणं पडुच्च जहन्नेणं एक्कं समयं उक्कोसेण देसूणा पुब्बकोडी। पुब्बविदेह अवरविदेहित्थीणं खेत्तं पडुच्च जहन्नेणं अंतो मुहुत्तं उक्कोसेणं पुव्वकोडी पुहुत्त, धम्मचरणं पडुच्च जहन्नेणं एक्कं समयं उक्कोसेणं देसूणा पुबकोडी । अकम्म भूमिग मणुस्सित्थीणं भंते ! अकम्मभूमिगमणुस्सिस्थित्ति कालओ केवच्चिरं होइ ? गोयमा ! जम्मणं पडुच्च जहन्नेणं देसृणं पलिओवमं पलिओवमस्स असंखेज्जइभागेणं ऊणं, उक्कोसेणं तिन्नि पलिओवमाइं। संहरणं पडुच्च जहन्नेणं अंतो मुहुत्तं उक्कोसेणं तिन्नि पलिओवमाई देसृणाए पुव्वकोडीए अब्भहियाई । 'हेमवयएरण्णवय अकम्मभूकिग मणुस्सित्थीणं भंते ! हेमवयएरण्णवय अकम्मभूमिगमणुस्सिस्थित्ति कालओ केवच्चिरं होइ ? गोयमा ! जम्मणं पडुच्च जहन्नेणं देसूर्ण पलिओवमं पलिओवमस्स असंखेज्जइभागेण-ऊणगं उक्कोसेणं पलिओवमं । संहरणं पडुच्च जहन्नेणं अंतो मुहुत्त उक्कोसेणं पलिओवमं देसूणाए
