________________
vat
अनगारधर्मामृतवर्षिण टी० अ० ८ फलकमयपुत्तश्विरूपनिरूपणम् भूषा समाणा सएहि २ उत्तरिजएहि णासाई पिहेंति, पिहित्ता परम्मुहा चिट्ठति, तएणंसा मल्ली विदेहरायवरकन्ना ते जियस - तप्पामोक्खे एवं वयासी - किण्णं तुब्भ देवाणुपिया । सएहिं२ उत्तरिजेहि जाव परम्मुहा चिट्ठह १, तरणं ते जियसत्तूपामोक्खा मल्ली विदेहरायवरकन्न एवं वयति - एव खलु देवाणु - पिए | अम्हे इमेणं असुभेणं गधेणं अभिभूया समाणा सरहिं जाव चिट्ठामो ।
तणं मल्ली विदेहरायकन्ना ते जियसत्तूपामोक्खे एवं वयासी - जइ ता देवाणुप्पिया । इमीसे कणग० जाव पडिमाए कल्ला कल्लि ताओ मणुपणाओ असण पाण खाइमसाइमाओ एगमेगे पिंडे पक्खिप्पमाणे २ इमेयारूवे असुभे पोग्गलपरिणामे इम्मस्स पुण ओरालिय सरीरस्स खेलासवस्स वंतासव्वस्त पित्तासवस्त सुक्क सोणिय प्रयासवस्स दुरूवऊसासनीसासस्स दुरूवमुत्तपुरिसपुण्णस्स सडणपडण विद्धंसणधम्मस्स केरिसए परिणाने भविस्सइ त मा धातुभे देवाप्पिया | माणुस्स एसु कामभोगेषु सज्जह रज्जह गिज्झह मुज्झह अज्झोववज्जह, एव खलु देवाप्पिया । तुम्हे अम्हे इमाओ तच्चे भवग्गहणे अवरविदेहवासे सलिलावइसि विजए वीयसोगाए रायहाणीए महामोक्खा सत्तवि य वालवयस्या रायाणी होत्था, सहजाया जाव पव्वइया, तएण अह देवाणुप्पिया । इमेण कारणेण इत्थीना मगोय कम्म निव्वतेमि जइण तुम्भं चोत्थं उवसज्जित्ताण विहरद्र. तएण अह छह उवसपज्जित्ताण विहरामि,
"
