________________
भाताधर्मकथा माणी परूवेमाणी उवदंसेमाणी विहरइ, तएण सा चोक्खा परिवाइया अन्नया कयाई तिटडं च कुडिय च जाव धाउर. ताओ य गिण्हइ, गिण्हित्ता परिवाइगावसहाओ पडिनिक्खमइ, पडिनिक्खमित्ता पविरल परिवाइया सद्धिं सपरिवुडा मिहिल रायहाणि मज्झमज्झेणं जेणेव कुंभगस्त रन्नो भवणे जेणेव कण्णतेउरे जेणेव मल्ली विदेहरायवरकन्ना तेणेव उवागच्छइ, उवागच्छित्ता उदयपरिफासियाए दभोवरिपञ्चत्थुयाए भिसियाए निसियइ, निसियित्ता मल्लीए विदेहरायवरकन्नाए पुरओ दाणधम्म धजाव विहरइ, तएण मल्ली विदेहरायवरकन्ना चोक्ख परिवाइयं एव वयासो-तुन्भेण चोक्खे किंमूलए धम्मे पन्नत्ते ' तएण सा चोक्खा परिवाइया मल्लि विदेहरायवरकन्न एव वयासी-अम्ह ण देवाणुप्पिए । सोयमूलए धम्मे, जपणं अम्ह किचि असुइ भवइ, तएणं उदएण य मट्टियाए जाव अविग्घेण सग्ग गच्छामो,तएणमल्ली विदेहरायवरकन्ना चोक्खं परिवाइय एव वयासी-चोक्खा । से जहानामए केई पुरिसे रुहिरकयं वत्थ रुहिरेण चेव धोवेज्जा अत्थिण चोक्खा । तस्स रुहिरकयस्स वत्थस्ल रुहिरेणं धोव्वमाणस्त काई सोही', नो इणढे समहे, एवामेव चोक्खा! तुब्भेण पाणाइवाएणं जाव मिच्छादसणसल्लेणे नत्थिकाई सोही, जहावतस्त रुहिरकयस्त वत्थस्स रुहिरेण चेव धोवमाणस्स, तएण सा चोक्खा परिव्वाइया मल्लीए विदेहरायकन्नाए एव वुत्ता समाणा सकिया कखिया विइगिच्छिया भेयसमावण्णा जाया यावि होत्था.
