________________
अनगारधर्मामृतवपिणीटीका अ१ ४१ मेघमुनेहस्तिभववर्णनम्
मूलम-तएणं तुमं मेहा ! अन्नया कयाइ पाउसवरिसारत्तसरयहेमंतवसंतेसु कमेण पंचसु उऊसु समइकतेसु गिम्हकालसमयंसि जेटामूलमासे पायवघंससमुट्टिएणं सुक्कतणपत्तकयवरमारुयसं. जोगदीविएणं महाभयंकरेणं हुयवहेणं वणदवजाला संपलित्तेसुबणेसु धूमाउलासु दिसासु महावायवेगेणं संघट्टिएसु छिन्नजालेसु आवयमाणेसु पोल्लरुक्खेसु अंतोर झियायमाणेसु मयकुहियविणटुकिमिय कदम नई वियरगखीणपाणीयंतेसु वणंतेसुगारिगदीणकंदियरवेसु, खरफरुस अणिटुरिटरूवाय विदुमग्गेसु, दुमेसु तण्हावसमुक्कपक्खपयडिय-जिब्भतालुय-असंपुडिय-तुंडपक्खिसंघेसु ससंतेसुगिम्हउम्हउण्हवायखरफरुसचंडमारुयसुक्कतणपत्तकयवरवाउलीभसंतदित्तसंभंतसावयाउलमिगतण्हाबद्धचिंधपट्टेसु गिरिवरेसु संवहिएसु तथमियपसय सरीसिवेसु अवदालियवयणविवरणिल्टालियन्गजीहे महंततुंबइ य पुनकन्ने संकुचियथोरपीवरकरे ऊमिगलंगूले पीणाइयविरसरडियसदेणं फोडयंतेव अंबरतलं पायदद्दरेणं कंपयं तेव मेइणितलं विणिम्मुयमाणे य सीयरं सव्वओ समंता वल्लिवियाणाइं छिंदमाणे, रुक्खसहस्साई तत्थ सुबहणिणोल्लयंते, विण. दुरध्व्व नरवारदे, वायाइद्धेव्वपोए, मंडलवाएव्व परिब्भमंते अभिक्खणंर लिंडणियरं पमुंचमाणे२ बहूहिं हत्थिणीहि य जाव सद्धि दिसोदिसिं विपलाइथा। तत्थणं तुम मेहा ! जुन्ने जराजजरियदेहे आउरे झंझिए पिवासिए दुब्बले किलंते नसुइए मूढदिसाए सयाओ जहाओ विप्पडणे वणदवजालापरद्धे उण्हेण तण्हाए य छुहाए य
