________________
१३८
ज्ञाताधर्मकथाङ्गस्त्रे मंडलियमायरो वा मंडलियंसि गव्भं वक्कममाणंसि एएसि चोदस पहं महासुमिणाणं अन्नतरं एवं सहासुमिणं पासित्ताणं पडिबुज्झति, इसे य णं सामि ! धारणीए देवीए एगे महा सुमिणे दिट्ठे, तं उराले णं सामी । धारिणी देवीए सुमिणे दिट्ठे, जाव आरोग्गतुट्टिदीहाउकल्लाणमंगल्लकारए णं सामी ! धारिणीए देवीए सुमिणे दिडे, अत्थ लाभो सामी ! सोक्खलाभो सामी ! भोगलाभो सामी ! पुत्तलाभो, रज्जलाभो एवं खलु सामी ! धारिणी देवी नवहं मासाणं बहुपडि - पुन्नाणं जाव दारगं पयाहिइ, सेवि य णं दारए उम्मुक्कवालभावे विन्नाय परिणयमिते जोव्वणगमणुत्पत्ते सूरे वीरे विक्कते विच्छन्नः विलवलवाणे रज्जवई राया भविस्सइ, अणगारे वा भावियप्पा, तं उरालेणं सामी ! धारिणीए देवीए सुमिणे दिट्टे, जाव आरोग्ग तुट्टि जाव दिट्ठेत्तिकद्दु भुज्जोर अणु बृद्धेति । तएणं सेणिए राया तेसिं सुमिणपाणपाढगाणं अंतिए एयम सोच्चा णिसम्म हट्ट जाव हियए करयल जाव एवं वयासी - एवमेयं देवाणुप्पिया । जाव जन्नं तुभे वहन्ति तं सुमिणं सम्मं पडिच्छइ पडिच्छित्ता ते सुमिणपाढए विउलेणं असणपाणखाइमसाइमेणं वत्थगंधमलालंकारेणय सक्कारेइ सम्माणे सक्कारिता सम्माणित्ता विउलं जीवियारिहं पीइदाणं दल, दलइत्ता पडिविसजइ । तएण से सेणिए राया सीहासणाओ अभुट्टे अवभुट्टित्ता जेणेव धारिणी देवी तेणेव उवागच्छइ, उवागच्छित्ता धारिणीं देवीं एवं वयासी एवं खलु देवाणुप्पिए! सुमिणसत्थंसि वायालीसं सुमिणा जाव एगं महासुमिणं जाव भुजोर अणुवूहड़ | तरणं धारिणी देवी सेणियस्स रन्नो अंतिए एयम सोच्चा णिसम्म हट्ट जाव हियया तं सुमिणं सम्मं पडिच्छइ पडिच्छित्ता जेणेव सएवासघरे तेणेव उवागच्छइ, उवापच्छित्ता पहाय कलिकम्मा ना विपुलाई जाव विहरइ ॥११॥ सू०॥
