________________
अनगारधर्मामृतवर्षिणीटीका सू.११ स्वप्नविषयकप्रश्नोत्तरनिरूप गम् १३७ उवट्ठाणसाला जेणेव सेणिए राया तेणेव उवागच्छंति,उवागच्छित्ता सेणियं रायं जएणं विजएणं वद्धाति, सेणिएणं रन्ना अच्चिय वंदिय पूइय. माणिय सकारिय सम्माणिया, समाणा पत्तेयंर पुव्वन्नस्थेसु भदासणेसु निसीयंति। तएणं सेणिए राया जवणियंतरियं धारिणी देवीं ठवेइ ठवित्ता पुप्फफलपडिपुण्णहत्थे परेणं विणएणं ते सुभिणपाढए एवं वयासी एवं खलु देवाणुप्पिया! धारिणी देवी अज्जतंसि सयणिजसि जाव महासुमिणं पासित्ता णं पडिबुद्धा, तं एयस्त णं देवाणुप्पिया! उरालस्स जाव सस्सिरीयस्स महासुमिणस्स के मन्ने कल्लाणे फलवित्तिविसेसे भविस्लइ ?। तएणं ते सुमिणपाढगा सेणियस्स रन्नो अंतिए एयमद्रं सोचा णिसम्महट्ट जाव हियया तं सुमिणं सम्मं ओगिण्हंति, ओगिणिहत्ता ईहं अणुपविसंति, ईहं अणुपविसित्ता अन्नमन्नेण सद्धि संचालति, संचालित्ता, तस्स सुमिणस्स लघट्टा गहियटा पुच्छियटा विणिच्छियटा अहिंगया सेणियस्स रन्नो पुरओ सुमिणसत्थाई उच्चारेमाणार एवं वयासीएवं खलु अम्हं सामी! सुमिणसत्थंसि बायालीसं सुमिणा तीसं महासुमिणा बावत्तरि सव्व सुमिणा दिट्टा, तत्थणं सामी! अरहंत मायरो वा चकवहिसायरो वा अरहंतसि वा चकवर्टिसि वा गम्भं वक्कममाणंसि एएसिं तीसाए महासुमिणाणं इमे चोदस महासुमिणे पासित्ताणं पडिबुज्झंति, तंजहा-“गयं-उस-सीह-अभिसेय-दाम -सर्सि-दिणयर-यं-कुंभ। पउम-सर-सागर-विमाण-भवणरयणुच्चय-सिंहंच ॥१॥
वासुदेवमायरो वा वासुदेवंसि गम्भंवक्रम माणंसि एएसिं चोदसण्हं महासुमिणाणं अन्नयरे सत्त महासुमिणे पासित्ता णं पडिबुझंति, बलदेवमायरो वा बलदेवंसि गब्भं वकममाणंसि एएसिं चोदसण्हं महासुमिणाणं अण्णत्तरे चत्तारि महासुमिणे पासित्ताणं पडिबुझंति,
१८
