________________
% 3A
भगवतीस्त्रे देवी सहस्सा, परिवारो पन्नत्तो। पभूणं भंते ! ताओ एगमेगा देवी अन्नाई छ, छ, देवी सहस्साई परिवारं विउवित्तए, एवामेव सपुवावरेणं छत्तीसं देवीसहस्साई, सेत्तं तुडित्तए। पभूणं भंते ! धरणे. सेसं तंचेव, नवरं धरणाए रायहाणीए, धरणंसि सीहासणीसं, सओ परिवारो, सेसं तंचेव। धरणस्स ण भंते ! नागकुमारिंदस्स कालवालस्स, लोगपालस्स, महारणो कइ अग्गमहिसीओ पण्णताओ? अजो! चत्तारि अग्गमहिसीओ पण्णत्ताओ,तंजहा-असोगा, विमला, सुप्पभा, सुदंसणा। तत्थणं एगमेगाए अवसेसं जहा घमरस्त लोगपालाणं। एवं सेसाणं तिण्हवि। भूयाणंदस्स णं भंते ! पुच्छा, अजो! छ अग्गमहिसीओ पण्णत्ताओ, तंजहा-रूया, रूयंसा, सुरूया, रुयगावती, रूयकता, रूयप्पभा। तत्थणं एगमेगाए देवीए अवसेसं, जहा धरणस्स। भूयाणंदस्सणं भंते ! नागवित्तस्स पुच्छा ? अज्जो चत्तारि अग्गमहिसीओ पण्णत्ताओ, तंजहा सुणंदा, सुभद्दा, सुजाया, सुमणा। तत्थणं एगामेगाए देवीए अवसेसं जहा चमर लोगपालाणं। एवं सेसाणं तिण्हवि लोगपालाणं। जे दाहिणिल्लागिंदा तेसिं जहा धरणिंदस्त, लोगपालाणंपि, तेसिं जहा धरणस्त लोगपालाणं। उत्तरिल्लाणं, इंदाणं जहा भूयाणंदस्स; लोगपालाण वि तेसिं जहा भूयाणंदस्त लोगपालाणं, नवरं इंदाणं सव्वेसिं रायहाणीओ सीहासणाणि य सरिसणामगाणि परियारो जहा तइयसए पढमे उद्देसए । लोगशालाणं सव्वेसिं
