________________
प्रमेयश्चन्द्रिका टीका श० ८ ७० ९ सू ३ प्रयोगवन्धनिरूपणम् १८३ णं संखेज्जं कालं, सेत्तं देससाहणणा बंधे।से कि तं सव्वसाहणणाबंधे ? सव्वसाहणणाबंधे से णं खीरोदगमाईणं, से तं सव्वसाहणणाबंधे, से तं साहणणाबंधे, से तं अल्लियावणबंधे । से किं तं सरीरबंधे ? सरीरबंधे दुविहे पण्णत्ते, तं जहापुवप्पओगपच्चइए य, पडुप्पन्नपओगपच्चइए य । से कि तं पुवप्पओगपच्चइए ? पुव्वप्पओगपच्चइए जं णं नेरइयाणं संसारस्थाणं सव्वजीवाणं तत्थ तत्थ तेसु तेसु कारणेसु समोहणमाणाणं जीवप्पएसाणं बंधे समुप्पज्जइ, से तं पुव्वप्पओगपच्चइए। से किं तं पडुप्पन्नप्पओगपच्चइए ? पडुप्पनप्पओगपच्चइए जं णं केवलनाणिस्स अणगारस्स केवलिसमुग्घाएणं समोहयस्स ताओ समुग्घायाओ पडिनियत्तेमाणस्स अंतरामथे वट्टमाणस्स तेयाकम्माणंबंधे समुप्पज्जइ, किं कारण ? ताहे से पएसा एगत्तीकया भवंति त्ति, से तं पडुप्पन्नप्पओगपच्चइए, से तं सरीरबंधे। से किं तं सरीरप्पओगबंधे ? सरीरप्पओगबंधे पंचविहे पण्णत्ते, तं जहा-ओरालियसरीरप्पओगबंधे, वेउब्वियसरीरप्पओगबंधे,आहारगसरीरप्पओगबंधे, तेयासरीरप्प
ओगबधे कम्मासरीरप्पओगबंधे। ओरालियसरीरप्पओगबंधेणं भंते ! कइविहे पण्णत्ते ? गोयमा! पंचविहे पण्णत्ते, तं जहा-- एगिंदियओरालियसरीरप्पओगबंधे, वेदियओरालियसरीरप्प-- ओगबंधे, जाव--पंचिदिय ओरालियसरीरप्पओगबंधे, एगिदिय ओरालियसरीरप्पओगवंधे पण भंते ! कइविहे पण्णत्ते ? गोयमा!
