________________
७८८
भगवतीम्रो हणेमाणा जाव अणुवदवेमाणा तिविहं तिविहे गं संजयजाव एगंतपंडिया यावि भवामो, तुज्झे णं अज्जो ! अप्पणा चेव तिविहं तिविहेणं असंजय जाव बाला यावि भवह, तए णं ते अन्नउत्थिया थेरे भगवंते एवं वयासी केण कारणे णं अजो ! अम्हे तिविहं तिविहेणं जाव एगंतबाला यावि भवामो ? तए णं ते थेरा भगवंतो अन्नउत्थिए एव क्यासी तुब्भे ण अजो ! रीयं रीयमाणा पुढविं पेच्चेह जाव उवद्दवेह ? तए णं तुज्जे पुढवि पेच्चेमाणा जात्र उबद्दवेमाणा तिविहं तिविहेणं जाव एगंतबाला यावि भवह, तए णं ते अन्नउत्थिया ते थेरे भगवंते एव वयासी तुज्झे णं अजो ! गममाणे अगते वीतिकमिज्जमाणे, अवीतिक्कंते रायगिहं नगरं संपाविउकामे असंपत्ते, ताए णं ते थेरा भगवंतो ते अन्नउत्थिए एव वयासी नो खल्लु अज्जो ! अन्हं गममाणे अगए वीइक्कमिज्जमाणे अवीतिक्कंते रायगिह नगरं जाव असंपत्ते अम्हा णं अजो गममाणे गए वीतिक्कमिज्जमाणे वीतिक्कते रायगिहं नगर संपाविउकामे संपत्ते, तुज्जे णं अप्पणा चेव गममाणे अगए वीतिक्कमिज्जमाणे अवीतिक्ते रायगिह जाव असंपत्ते, तए णं ते थेरा भगवंतो अन्नउस्थिए एवं पडिहणेति, पडिहरित्ता गइप्पवायं नाम अज्झयणं पन्नवइंसु ॥ सू० २ ॥
