________________
७०८
भगवती
आयासं किढिपडिरूवगं विउद्वित्ता णं चिइ, एवं खलु तओ इंदा संगामं संगामेंति, तं जहा- देविंदे य, मणुइंदे य, असुरिंदे य, एगहत्थिणा विणं. पभू कूणिए राया जइत्तए' तहेव जाव दिसोदिसिं पडिसेहित्था । से केणटुणं भंते ! एवं बुच्चइ रहमुसले संगामे ? गोयमा ! रहमुसले णं संगामे वहमाणे एंगे रहे अणास, असारहिए, अणारोहए, समुसले, महया महया जणक्खयं, जणवहं, जणप्पम, जणसंवट्टकप्पं, रुहिरकद्दमं करेमाणे सहओ समता परिधावित्था, से तेणट्टेणं जाव रहमुसले संगामे । रहमुसलेणं भंते! संगामे वट्टमाणे कइ जणसय साहस्सीओ वहियाओ ? गोयमा ! छण्णउई जणसयसाहस्सीओ वहियाओ । तेणं भंते! मणुया निस्सीला जाव उववन्ना ! गोयमा ! तत्थ णं दससाहस्सीओ एगाए मच्छीए कुच्छिसि उववन्नाओ, एगे देवलोगेसु उववन्ना एगे सुकुले पञ्चायाए अवसेसा ओसन्नं नरगतिरिक्खजोणिएसु उववन्ना ? कम्हा णं भंते ! सक्के देविंदे देवराया, चमरे य असुरिंदे असुरकुमारराया, कूणियस्सरन्नो साहेजं दलइत्था ? गोयमा ! सक्के देविंदे देवराया पुवसंगइए चमरे असुरिंदे असुरकुमारराया परियायसंगइए, एवं खलु गोयमा ! सक्के देविंदे देवराया, चमरे य असुरिंदे असुरकुमारराया कूणियस्स रन्नो साहेजं दलइत्था ॥ सू० ४ ॥
i
