________________
प्रमेयचन्द्रिकाटीका श.७ उ.६ सू.२ कर्क शवेदनीयस्वरूपनिरूपणम् ५२९ गोयमा ! पाणाइवायवेरमणेणं, जाव-परिग्गहवेरमणेणं, कोहविवेगेणं, जाव-मिच्छादंसणसल्लविवेगेणं, एवं खलु गोयमा ! जीवाणं अकक्कसवेयणिज्जा कम्मा कज्जति । अस्थि गंभंते ! नेरइयाणं अकक्कसवेयणिज्जा कम्मा कज्जंति । गोयमा ! णो इणटे समटे, एवं जाव-वेमाणिया, णवरं मणुस्साणं जहा जीवाणं । अस्थि णं भंते ! जीवाणं सायावेयणिज्जा कम्मा कति? गोयमा! हंता, अस्थि, कहं णं भंते ! जीवाणं सायावेय णिज्जा कम्मा कति ? गोयमा ! पाणाणुकंपयाए, भूयाणुकंपयाए, जीवाणु कंपयाए, सत्ताणुकंपयाए, बहूणं पाणाणं जाव सत्ताणं अदुक्खणयाए, असोयणयाए, अनरणयाए, अतिप्पणयाए, अपिट्टणयाए, अपरियावणयाए, एवं खल्लु गोयमा ! जीवाणं सायावेयणिज्जा कम्मा कज्जंति । एवं नेरइयाणवि, एवं जाव वेमाणियाणं । अत्थि णं भंते! जीवाणं असायावेयणिज्जा कन्मा कज्जति ? हंता, अस्थि । कहं णं भंते ! जीवाणं असायावेयणिज्जा कम्मा कज्जति ? गोयमा ! परदुक्खणयाए, परसोयणयाए, परजूरणयाए, परतिप्पणयाए, परपिट्टणयाए, परपरियावणयाए, बहूणं पाणाणं, जाव सत्ताणं दुक्खणयाए, सोयणयाए, जाव परियावणयाए, एवं खल्लु गोयमा ! जीवाणं असाया वेयणिज्जा कम्मा कज्जंति, एवं नेरइयाण वि, एवं जाव वेमाणियाणं ॥ सू० २ ॥
