________________
समयार्थवोधिनी टीका द्वि.श्रु. अ. १ पुण्डरीकनामाध्ययनम् उसो! आया इयं सरीरं । से जहा णामए केइपुरिसे करयलाओ आमलगं अभिनिव्वहिता णं उवदंसेज्जा अयमाउसो! करतले अयं आमलए, एवमेव णस्थि केइपुरिले उवदंसेत्तारो अयमाउसो! आया इयं सरीरं। ले जहा णामए केइपुरिसे दहिओ नवनीयं अभिनिव्वट्टित्ता णं उवदंसेज्जा अयमाउसो! नवनीयं अयं तु दही, एवमेव णत्थि केइपुरिले जाव सरीरं। से जहा णामए केइपुरिसे तिलहितो तिल्लं अभिनिव्वट्टित्ता णं उव. दंसेज्जा अयमाउसो! तेल्लं अयं पिन्नाए, एवमेव जाव सरीरं। से जहा णामए केइपुरिसे इक्खूतो खोयरसं अभिनिवद्वित्ताणं उवदंसेजा अयमाउसो! खोयरसे अयं छोए, एवमेव जाव सरीरं। से जहा णामए केइपुरिसे अरणीओ अरिंग अभिनिवद्वित्ता णं उवदंसेज्जा अयमाउसो! अरणी अयं अग्गी, एवमेव जाव सरीरं। एवं असंते असंविज्जमाणे जेसिं तं सुयक्खायं भवइ, तं जहा-अन्नो जीवो अन्नं सरीरं। तम्हा ते मिच्छा। से हंता तं हणह खणह छणह डहह पयह आलंपह विलुपह सहसाकारह विपरामुसह, एयावया जीवे णस्थि परलोए, ते णो एवं विप्पडिवेदेति, तं जहा-किरियाइ वा अकिरियाइ वा सुक्कडेइ वा दुक्कडेइ वा कल्लाणेइ वा पावएइ वा साहुइ वा असाहुइ वा सिद्धीइ वा असिद्धीइ वा निरएइ वा अनिरएइ वा, एवं ते विरूवरूवहिं कम्मसमारंभेहिं विरूवरूवाई कामभोगाई समारभंति भोयणाए । एवं एगे पागन्भिया णिक्खम्म मामगं
