________________
परिशिष्ट १
१६३
आरंभपरिग्गहवज्जियाण निव्वहइ अम्ह न कुटुंबं। इय भणियं जस्स कए, आणसु तं दहविभागत्थं॥१३९॥ भरिउं पिपीलियाईण सीवियं जइ मुहं तुहऽम्हेहि। तो होसि पराहुत्तो, भुंजसि रयणीई पुण मिट्ठ।।१४०॥ पियसि सुरं गायंतो, वक्खाणंतो भुयाहिं नच्चंतो। इह तत्ततेलतंबयतऊणि किं पियसि न ? हयास !॥१४१॥ सूलारोवणनेत्तावहारकरचरणछेयमाईणि।
ायनिओए कुंढत्तणेण लंचाइगहणाइं॥१४२॥ नयरारक्खियभावे, य बंधवहहणणजायणाईहिं। नाणाविहपावाइं, काउं किं कंदसि इयाणिं ?॥१४३॥ गुरुदेवाणुवहासो, विहिया आसायणा वयं भग्गं। लोओ य गामकूडत्तणाइभावेसु संतविओ॥१४४॥ इय जइ नियहत्थारोवियस्स तस्सेव पावविडविस्स। भुंजसि फलाइं रे दुट्ठ ! अम्ह ता एत्थ को दोसो ?॥१४५॥ इच्चाइ पुव्वभवक्कयाइं सुमराविउं निरयपाला। पुणरवि वियणाउ उईरयंति विविहप्पयारेहि॥१४६॥ उक्कत्तिऊण देहाउ ताण मंसाइं चडफडंताण। ताणं चिय वयणे पक्खिवंति जलणम्मि भुंजेउं॥१४७।। रे रे तुह पुव्वभवे, संतुट्ठी आसि मंसरसएहिं। इय भणिउं तस्सेव य, मंसरसं गिण्हिउं देति॥१४८॥ चउपासमिलिअवणदवमहंतजालावलीहिं डझंता। सुमराविज्जति सुरेहिं नारया पुव्वदवदाणं।१४९॥
आहेडयचेट्ठाओ, संभारेउं बहुप्पयाराओ। बंधंति पासएहिं, खिवंति तह वज्जकूडेसु॥१५०॥ पाडंति वज्जमयवागुरासु पितॄति लोहलउडेहि। सूलग्गे दाऊणं, भुंजंति जलंतजलणम्मि॥१५१॥ उल्लंबिऊण उप्पिं, अहोमुहे हेट्ठ जलियजलणम्मि। काऊण भडित्तं खंडंसोऽवि विकत्तंति सत्थेहिं॥१५२॥
