________________
દેશ વિદેશમાં જૈન ધર્મ અને સાહિત્યનો પ્રચાર-પ્રસાર
૪. પદ્મશ્રી કુમારપાળ દેસાઈ
જૈન ધર્મના વર્તમાન પ્રચારકોમાં પદ્મશ્રી ડૉ. કુમારપાળ દેસાઈને પ્રથમ પંકિતમાં મૂકી શકાય. ડૉ. કુમારપાળ દેસાઈ એ જૈન ધર્મના માહાત્મ્ય તથા ઈતિહાસને વર્ણવતાં અનેક પુસ્તકો લખ્યા છે. તેઓ વર્તમાનપત્રોમાં નિરંતર જૈન ધર્મ સંબંધી લેખો લખતા રહે છે. જૈન ધર્મના પ્રચાર માટે દેશ-વિદેશમાં તેમના પ્રવચનોનું આયોજન થાય છે. કારણકે તેઓ જૈનધર્મના ઉંડા અભ્યાસી હોવા ઉપરાંત ઓજસ્વી વકતા પણ છે. તેઓ વર્લ્ડ જૈન
કોન્ફેડરેશન, વિશ્વકોશ ટ્રસ્ટ વગેરે સંસ્થાઓ સાથે જોડાયેલા છે. જૈન ધર્મના વિશ્વપ્રચારક શ્રી વીરચંદ રાઘવજી ગાંધીના પુસ્તકોને તેમણે પુનઃપ્રકાશિત કરાવ્યા છે.
