Jivan Jagruti Yane Samadhi Maran

SR No.: 009213
Original Sutra Author: N/A
Author: Hemant Hasmukhbhai Parikh
Publisher: Hemant Hasmukhbhai Parikh
Publication Year: 2015
Total Pages: 176
Language: Gujarati
Classification: Book_Gujarati
File Size: 1 MB

Page 61

સમાધિ મરણ
૪૭
મારા ભરાવેલ પ્રભુ પ્રતિમાજી કે મારું બંધાવેલ જિનાલય હોય તેમાં હું જ પહેલા પ્રક્ષાલ કરું કે હું જ પહેલા પૂજા કરું એવી પ્રવૃત્તિથી બીજાને પ્રક્ષાલ-પૂજા વિગેરેનો અંતરાય કરેલ હોય, બીજા જીવને દુભાવેલ હોય કે એ નિમિત્તે તેમની પરમાત્મ ભક્તિ બંધ થઈ ગઈ હોય તે બધાની હું માફી માંગું છું.
હું દર્શન-પૂજા-સ્તુતિ-સ્તવના વિગેરે કરતો હોઉં ત્યારે બીજા વચ્ચે આવીને ઉભા રહે કે મોટેથી સ્તુતિ વિગેરે કરતા હોય ત્યારે તેને મારા પ્રત્યે દુશ્મનાવટ નથી. મને હેરાન કરવા તે બોલતા નથી તે વાત ભૂલી જઈને મેં દહેરાસરજીમાં મનથી, વચનથી કે કાયાથી રોષ પ્રગટ કરેલ હોય, બહાર જઈને તેમને ક્રોધવાળા વચનો કીધા હોય, તે ઉદ્વેગ મનમાં ભરી રાખેલ હોય તે બધાની હું માફી માંગુ છું. તે જીવોની પણ માફી માંગું છું. તે જીવો જ્યાં હોય ત્યાં સુખી થાય.
તેમની સાથે ક્લેશ કરીને બીજા પાસે મેં મારી બડાઈ કરેલ હોય તેની માફી માંગું છું.
દહેરાસરજીમાં પ્રતિમાજી પડી ગયા હોય, કળશ-નખ વિગેરે પ્રતિમાજીને અડલ-ભટકાયેલ હોય, M.C. માં દહેરાસરજીમાં જવાનું થયેલ હોય, દહેરાસરજીમાં M.C. માં બેસવાનું થયેલ હોય, પહેરેલા વસ્ત્રો પ્રતિમાજીને અડેલ હોય તે બધાની હું માફી માંગું છું.
ટ્રસ્ટી તરીકે રહીને કે અન્ય રીતે પણ દહેરાસરજીની મિલકતનો વહીવટ મારા સ્વાર્થ માટે કરેલ હોય, તે મિલકત દ્વારા સીધી કે આડકતરો મારો સ્વાર્થ સાધેલ હોય, વ્યક્તિગત સાધુની માલિકી કે હકુમતના દહેરાસરજીમાં રકમ આપીને તેમના કુમાર્ગને પોષણ આપેલ હોય, તેવા પ્રકારની બોલી-સોદાબાજી કરી-કરાવીને ચાતુર્માસ કરાવેલ હોય તે બધાની માફી માંગું છું.
સમાજમાં માનપાન મેળવવા, વટ પાડવા, બીજાને હીણો કરવા પરમાત્માની ભક્તિ વિગેરેની બોલી બોલેલ હોઉં, કલાકો સુધી ભક્તિ કરેલી હોય, તીર્થયાત્રા કરી હોય, કરાવી હોય, સંઘ કઢાવેલ હોય તેની હું માફી માંગું છું.
ધર્માદા મિલકત બેંકમાં મૂકી મારા ધંધામાં મેં લોન લીધી હોય, મારા લાગતાવળગતાને નોકરી અપાવેલ હોય તેની માફી માંગું છું.
હું બિલ્ડર તરીકે ધંધો કરતો હોઉં અને મારા બનાવેલ મકાન વેચવા જિનમંદિર ઉભું કરી પૈસા કમાયો હોઉં તેની માફી માંગું છું.