Page Text
________________
૪૬
દુષ્કૃત ગણ્યું
મૈથુન સેવન કરેલ હોય, દહેરાસરજીમાં ખાધું-પીધું હોય, ઉંઘ કરેલ હોય તે બધાની
હું માફી માંગું છું.
દહેરાસરજીમાં હાંસી-મજાક કરેલ હોય, કોઈને ભય પમાડેલ હોય તેની માંફી માંગું છું.
દહેરાસરજીના ચોગાન કે ઓટલા ઉપર કપડા સુકવેલ હોય, વડી-પાપડી સુકવેલ હોય, પાના રમવાનું થયેલ હોય, તેની હું માફી માંગું છું. કોઈપણ સંસારી પ્રવૃત્તિ થઈ હોય તેની માફી માંગું છું.
દહેરાસરજીમાં સાતતાળી, ખોખો વિગેરે રમતો રમેલ હોઉં તેની હું માફી માંગું છું... દહેરાસરજીની અંદર ચકલી-કબુતર-ગિરોળી-ખિસકોલી–ઉંદર વિગેરેના ભવમાં માળા બાંધેલ હોય, ક્રિડા કરેલ હોય, બચ્ચાને જન્મ આપેલ હોય. બિલાડી જેવા ભવોમાં દહેરાસરજીમાં તેને મારી નાખી ભક્ષણ કરેલ હોય તેની માફી માંગું છું.
દિક્ષા-વડીદિક્ષા-પદવી-વ્રતોચ્ચારણ-ઉપધાનતપની માળારોપણ-પૂજા-પૂજન વિગેરે પ્રસંગોમાં સામે શ્રી અરિહંત પ્રભુ બિરાજે છે તેથી હાલ દહેરાસરજીમાં હું છું તે ભૂલી જઈને હાંસી-મજાક-વિવાદ-વિતંડાવાદ-સંસારની વાતો-બીજાના કપડાદાગીના-ટાપટીપની ટીપ્પણીઓ કરેલ હોય. રાજકથા-દેશકથા-સ્ત્રી (પુરુષ) કથાભોજન કથા કરેલ હોય, ભગવંત સામે ઘરની માફક બેસેલ કે સુવેલ હોઉં એ બધાની હું માફી માંગું છું.
વીતરાગ સર્વજ્ઞના વચનોમાં શ્રદ્ધા ન કરી, કરાવી હોય.
હું જે ક્રિયા કરતો હોઉં તે જ વીતરાગ સર્વજ્ઞ પ્રણિત છે એવી માન્યતા રાખેલ હોય, બીજાને એવું સમજાવેલ હોય, મારી વાત ન માને તેને મિથ્યાત્વી ગણેલ, ગણાવેલ હોય તેની હું માફી માંગું છું.
દેવ-નારકી-મનુષ્ય-તિર્યંચ ચારે ગતિમાં નવું સમ્યક્ત્વ જીવ પામે છે તે વાતો સમજાવવા-સમજવાને બદલે હું કે મારી ટુકડી-મારા સમુદાયને – હું જેને ગુરૂ માનું તેને જ માને તો સમકીતિ, નહીં તો મિથ્યાત્વી આવું સમજાવેલ હોય, પ્રરૂપણા કરેલ હોય, લખેલ, લખાવેલ હોય તેની માફી માંગું છું. આવું કરીને, બોલીને, લખીને જે જે જીવોને મેં સન્માર્ગના નામે ઉન્માર્ગે ચઢાવેલ હોય તે બધા જીવોની હું માફી માંગું છું. તે બધા જીવો જ્યાં હોય ત્યાં સત્ય ધર્મને પામવાવાળા થાય. શુદ્ધ સમ્યક્ત્વી બને.
| SR No. | 009213 |
| Book Title | Jivan Jagruti Yane Samadhi Maran |
| Original Sutra Author | N/A |
| Author | Hemant Hasmukhbhai Parikh |
| Publisher | Hemant Hasmukhbhai Parikh |
| Publication Year | 2015 |
| Total Pages | 176 |
| Language | Gujarati |
| Classification | Book_Gujarati |
| File Size | 1 MB |