________________
સમાધિ મરણ
૨૯
જોડે કે સ્ત્રી થઈને કોઈપણ ધર્મના સંન્યાસીની જોડે સંમતિથી મૈથુન સેવન કરેલ હોય તો અનંતવાર મિચ્છા મિ દુક્કડમ્ અને બળાત્કાર કરેલ હોય તો અનંતાનંત વાર મિચ્છા મિ દુક્કડમ્.
આત્મસાક્ષીએ, પરમાત્માસાક્ષીએ તેની વારંવાર માફી માંગું છું.
મારી ટૂંકી બુદ્ધિથી બીજા નિર્દોષ જીવને નિર્દોષ પ્રવૃત્તિ હોવા છતાં વ્યભિચારી તરીકે જોયેલ હોય, બોલેલ હોઉં, વિચારેલ હોય તેનું મિચ્છા મિ દુક્કડમ્. હું તે જીવોની માફી માંગું છું.
બીજા વ્યભિચારી છે તેવું કોઈના મોઢે સાંભળીને તે માની લઈને તેની હા એ હા કરી હોય તેવી વાતને ઉત્તેજન આપેલ હોય તેની માફી માંગું છું. તે જીવો જ્યાં હોય ત્યાં યશનામી બને.
કોઈએ મૈથુન સેવન કરેલ છે તેવું નજરે જોયું હોય, સાંભળેલ હોય, અનુમાનથી કલ્પેલ હોય તે તે સત્ય હોય તો પણ તેની ભાવદયા ચિંતવવાને બદલે મનથી- વચનથી કે કાયાથી તેની નિંદા, ટીકા, તિરસ્કાર કરેલ હોય તે મર્મ જાહેર કરીને તેનું અપમાન અવહેલના કરેલ, કરાવેલ હોય તેની પરમાત્મા સાક્ષીએ હું વારંવાર માફી માંગું છું.
(૧) જો કોઈપણ ધર્મનાં ધર્મગુરુઓ, (૨) અનેક જીવનને પાલન પોષણ કરનારા, (૩) બીજાના દુઃખે દુઃખી થઈને જીવનારા, (૪) બીજા જીવોને જરાપણ દુઃખ ન થાય તેની કાળજીપૂર્વક જીવનારા, (૫) સહજ સાત્ત્વિક જીવન જીવનારા, (૬) અતિદુઃખમાં જીવનારા,
(૭) નાની ઉંમરમાં વિધુર કે વિધવા બનેલા એકાદ વાર કર્મની બલવત્તરતાથી સાદી ભૂલ કરી બેસે તો તે વાતને દાબી દેવાને બદલે તે વાતની જાહેરાતો કરી, કરાવી હોય તેની હું વારંવાર માફી માંગું છું. ખરેખર આવા જીવોની ભૂલ બોલવી કે સાંભળવી પણ ન જોઈએ. તે જીવોની બધે કીર્તિ ફેલાતી રહે.
જે જીવો મન ચલાયમાન બને તો પણ મૈથુન સંજ્ઞાને વશ થતા નથી. સામેથી માંગણી થાય, બધી અનુકુળતા હોય તો પણ મક્કમ રહે છે. આવા સમયે સમાજ તરફથી બદનામી, તિરસ્કાર મળે તો પણ મનમાં ઉદ્વેગ ધરતા નથી કે બદનામી
