________________
સમાધિ મરણ
તે જીવો જ્યાં હોય ત્યાં ખૂબ સુખી થાય. હું એની માફી માંગું છું.
જે જે પુન્યવંતા જીવો પોતાને પ્રતિકુળ વર્તનાર પ્રત્યે રાગ-દ્વેષ નથી કરતા તેને ધન્ય છે. તેઓ કૃતપુન્ય છે. તેમનો જન્મ સફળ છે. તેમને મારી વંદનાવલી. નિગોદથી આજ સુધીના ભવોમાં જો મિચ્છા મિ દુક્કડમ્ કપટભાવથી દીધેલ હોય તો તેનું અનંતાનંત વાર વિહરમાન તીર્થંકર પ્રભુની સાક્ષીએ મિચ્છા મિ દુક્કડમ્. સમજપૂર્વક – હૃદયપૂર્વક બીજા જીવને ખમાવ્યા પછી પાછા તે જીવો પ્રત્યે દ્વેષભાવ આવે છે. પાછો હું ખમાવું છું. ફરી દ્વેષભાવ આવે છે. ફરી ખમાવું છું.
હે દેવાધિદેવ ! આપની એવી કૃપા ઉતરો કે મારો દ્વેષભાવ સર્વથા નાશ પામે. નિર્મળ મૈત્રી ભાવ રહે. જેમને મારા પ્રત્યે ઈર્ષા-દ્વેષ-હોય તેમના પ્રત્યે તો મને અધિકતર મૈત્રીભાવ રહે એ જીવો સુખી થાય તેવી મારી વૃત્તિ અને પ્રવૃત્તિ રહે.
૧૭
નોંધ : આરાધના કરનારે પોતાને જેની સાથે વેર-વિરોધ-વાંધા પડેલ હોય તે બધાને વ્યક્તિગત યાદ કરીને માફી માંગવી. ‘હું તેની માફી માંગું છું. તે જીવ ખૂબ સુખી થાય.'' માફી માંગવી-માફી આપવી ભવાંતરમાં તેની જોડે મૈત્રીભાવ
રહે તેમ વિચારવું.
મારા હૃદયપૂર્વક ખમાવવા છતાં સામો જીવ વેર ભાવ-દ્વેષ-ઈર્ષાને વશ બનીને મારૂં બગાડવા પ્રયત્નો કરે. મને બીજા માણસો પાસે અળખામણો બનાવવા મહેનત કરે.. મારામાં ન હોય તેવા દુર્ગુણો દેખાડે... પોતાનામાં રહેલા અવગુણોનું આરોપણ મારામાં કરીને ચોર કોટવાળને દંડે' ની જેમ મારી નિંદા કરે... બીજાને મારા દ્વેષી બનાવવા પ્રયત્નો કરે.. કોઈને મારા પ્રત્યે સદ્ભાવ હોય તે દૂર કરવા આક્ષેપો
કરે.
આવું ગમે તે કરનારનું પણ બુરૂં થાય તેવું હું વિચારૂં નહીં.- બોલું નહીં.વર્તન કરૂં નહીં.
(૪) ચાર શરણ
અનાદિ કાળથી સંસારમાં ભટકતા એવા મેં અનેક ભવોમાં ખોટા શરણા લીધા છે, માનેલા છે.
મારી પાસે ધન હશે તો હું સુખી થઈશ એમ વિચારી મેં ધનને શરણ ગણેલ.
