________________
૧૪
વ્રત તથા સમાપના
દુષ્કૃત ગર્હ કરવામાં સંકોચ અનુભવેલ હોય, શુભ ભાવનાઓ ન ભાવેલ હોય,
મારૂં ધાર્યું કશું નથી થવાનું તે ખબર હોવા છતાં બીજા પ્રત્યે અશુભ ચિંતવેલ
હોય,
હિંસાનુબંધી-મૃષાનુબંધી–સ્તેયાનુબંધી-સંરક્ષણાનુબંધી રૌદ્રધ્યાન કરેલ હોય. ઈષ્ટનો સંયોગ–અનિષ્ટનો વિયોગ-વ્યાધિ ચિકિત્સા - સુર-નર સુખની વાંછા રૂપ આર્તધ્યાન કરેલ હોય.
અનિત્યાદિ બાર ભાવના તથા મૈત્ર્યાદિ ચાર ભાવનાનું ચિંતવન ન કરેલ હોય. આ સિવાય પણ જે કોઈપણ રીતે વીર્યાચાર સંબંધ અતિચારાદિ નિગોદથી લઈને આજ સુધીના ભવોમાં કરેલ હોય તેનું મિચ્છામિ દુક્કડમ્.
(૩) વ્રત લેવા
વ્રત લેવામાં પૂ.સાધુ-સાધ્વી હોય તો તેમને થયેલ ભૂલનું મિચ્છા મિ દુક્કડમ્ દેવડાવી કે દઈને પ્રથમ સમ્યક્ત્વ, પછી સર્વ વિરતિ, પછી પાંચ મહાવ્રત તથા છઠ્ઠું રાત્રિ ભોજન વિરમણ વ્રત લેવાનું હોય છે.
શ્રાવકોને સમ્યક્ત્વ તથા ૮ વ્રત લેવાના હોય છે. પાંચ અણુવ્રત તથા ૩
ગુણવ્રત.
આ જ પુસ્તકમાં સાધુ-સાધ્વી અંતિમ આરાધના તથા શ્રાવક અંતિમ આરાધનામાં આ વાત સ્ફુટપણે જણાવેલ છે.
પૂ. સાધુ-સાધ્વીને નીચે પ્રમાણે કરાવવું
એકવાર નવકાર બોલીને પછી ‘અરિહંતો મહદેવો' ગાથા બોલવી. એમ ત્રણ વખત સમ્યક્ત્વ ઉચ્ચરાવવું.
પછી –
એક નવકાર તથા કરેમિ ભંતે એમ સર્વ વિરતિ ત્રણ વખત ઉચ્ચરાવવી. પછી –
દશવૈકાલિકમાં આવે છે તેટલો પાંચ મહાવ્રત તથા છઠ્ઠા રાત્રિભોજન વિરમણ વ્રતનો આલાવો નવકાર પૂર્વક ૩ વખત ઉચ્ચરાવવો.
