________________
સુકૃત અનુમોદનો
પોતાને ડાયાબીટીશ થયેલ હોય ત્યારે જે બીજાને મીઠાઈ ખાતા જોઈને આનંદ પામે છે જે બીજાને મીઠાઈ ખવડાવે છે અને આનંદ પામે છે તેમને ધન્ય છે. પોતાને એસીડીટી-અલ્સર વિગેરે થયેલ હોય ત્યારે ડોક્ટર દ્વારા તીખું ખાવાની મનાઈ થાય તે સમયે બીજાને તીખું ખાતા જોઈને આનંદ પામે છે. બીજાને તીખું ખવડાવે છે તેમને ધન્ય છે.
પોતાને સંતાન ન હોય ત્યારે અશુભનો ઉદય વિચારી શાંત રહે છે તેમને ધન્ય છે. તેમજ જે બીજાના નાના છોકરાઓને જોઈને આનંદ પામે છે તે છોકરાઓ માટે લાયક ખાવાની વસ્તુઓ, રમકડા વિગેરે આપી આનંદ પામે છે તેમને ધન્ય છે.
પોતાની પાસે રૂપિયા ઘણા છે, સંતાનોને ભણવું ગમતું નથી, પૈસા વેડફે છે. પોતાના સગા સંબંધી કે પાડોશી કે સાધર્મિકમાં પૈસાના અભાવે આગળ ન ભણી શકે તેવા બાળકો છે તે જોઈને જે ગુપ્તપણે બીજાને ભણાવે છે તેમને સહાય કરે છે તેમને ધન્ય છે.
૧૪૨
અવસર આવે ત્યારે જે પોતાના કુટુંબ-ગામ-રાજ્ય-રાષ્ટ્રને તન-મન-ધનથી સમૃદ્ધ કરે છે તેમને ધન્ય છે.
બહારગામ ધંધા-નોકરી કે ફરવા માટે ગયેલ હોય ત્યારે પણ ત્યાં જિનમંદિર શોધી દર્શન-પૂજા કરે છે. પૂ. ગુરૂ ભગવંત હોય તેમને વંદનાદિ કરે છે તેમને ધન્ય છે.
જે જીવો વ્યાપારમાં દરેક માટે એક જ ભાવ રાખતા નથી પરંતુ સામાન્ય સ્થિતિવાળાને ઓછા ભાવે આપી સહાયક બને છે તેમને ધન્ય છે.
પોતાના નિમિત્તે બીજો જીવ ધર્મ પર દ્વેષવાળો ન બને તથા ધર્મશ્રદ્ધા દ્રઢ કરે તેવી રીતે જ વ્યાપાર કરે છે તેમને ધન્ય છે.
બીજાના અનર્થકારી વર્તનને જોઈને તેના પ્રત્યે દ્વેષ કે તિરસ્કાર નથી કરતા તેવા વર્તન કરનારની ભાવદયા ચિંતવે છે તેમને ધન્ય છે.
જે જે વડીલો નાના પ્રત્યે, ભણાવનાર, ભણનાર પ્રત્યે, ગુરૂ શિષ્ય પ્રત્યે, સાધુ-સંન્યાસી ગૃહસ્થો પ્રત્યે, દુકાનદાર નોકર પ્રત્યે, પ્રધાનો પ્રજા પ્રત્યે, વાત્સલ્યપૂર્ણ વ્યવહાર કરે છે તેને ધન્ય છે.
(બિમારની સ્થિતિ મુજબ અનેક પ્રકારે સુકૃત અનુમોદના કરાવવી, ગ્લાને પોતે
