________________
સમાધિ મરણ
(૫) જે જે શ્રાવક-શ્રાવિકા દાન-શીલ-તપ-ભાવ વિગેરે પ્રકારે પરમાત્માની આજ્ઞા મુજબ આરાધના કરે, કરાવે, અનુમોદે તેની હું અનુમોદના કરૂં છું. (૬) ધર્મ પામેલા જે શ્રાવક-શ્રાવિકા, સાધુ-સાધ્વીની સામે અવિનયપૂર્વક કે તિરસ્કારપૂર્વક બોલતા નથી કે બોલાવતા નથી કે બોલતાની અનુમોદના કરતા નથી તેની હું અનુમોદના કરૂં છું.
(૭) તે શ્રાવક-શ્રાવિકાને ખૂબ ધન્યવાદ છે કે જેમના ઘરની ગોચરી-પાણી તીર્થંકર, ગણધર, ૧૪ પૂર્વી, મન:પર્યવજ્ઞાની માસક્ષમણાદિ તપશ્ચર્યાના તપસ્વીને પારણે, લોચ કરાવેલ સાધુ-સાધ્વીને, બિમાર સાધુ-સાધ્વીને, વિહારાદિ શ્રમથી ભરેલા સાધુ-સાધ્વીને ઉપયોગમાં આવે છે.
(૮) તે પૂજ્ય સાધુ ભગવંતને અનંતાનંત ધન્યવાદ છે કે જેમની લાવેલી ગૌચરીપાણી શ્રી તીર્થંકર ભગવંતને ઉપયોગમાં આવે છે.
જે જે જીવો વ્યાપારાદિમાં ભેળસેળ નથી કરતા કે છેતરપિંડી નથી કરતા તેમને ધન્ય છે.
૧૪૧
આંગણે આવેલા મહેમાનોને જે પ્રેમથી આવકારે છે તેમને ધન્ય છે. પોતાનાથી મોટા જોડે જે વિનયપૂર્વક વાત કરે છે તેમને ધન્ય છે. જે જીવો બીજા વાત કરતા હોય તેમાં વચ્ચે બોલવા લાગતા નથી તેમને ધન્ય છે.
રાજકારણ -સીનેમા-ખાવાપીવાની તેમજ તેવી બીજી ફાલતુ વાતો બોલવા કે સાંભળવામાં જે મનુષ્યો રસ લેતા નથી તેમને ધન્ય છે. બહસ કરીને શું મેળવવાનું ? તેના બદલે બીજા જીવોને મારા થકી કેમ શાતા-શાંતિ મળે તે વાતોમાં રસ લે તેને ધન્ય છે.
કોઈની ખબર કાઢવા ગયેલ હોય ત્યાં પોતાની વાત કરવા લાગતા નથી તેને ધન્ય છે.
ગુરૂવચન તત્તિ કરે છે તેને ધન્ય છે. કોઈપણ ધર્મના ગુરૂ પ્રત્યે દ્વેષ, તિરસ્કાર નથી કરતા તેને ધન્ય છે.
કુટુંબમાં – પાડોશમાં-ગામમાં કોઈને ત્યાં પોતાને ન મળેલ હોય તેવી વસ્તુતેવા વાહનો-તેવો પરિવાર – તેવા પરીક્ષાના માર્કસ-તેવી સ્કુલમાં એડમીશન મળી જાય તો ઈર્ષા નથી કરતા પરંતુ આનંદ પામે છે તેમને ધન્ય છે.
