Page Text
________________
ત્રીજી આવૃત્તિની વેળાએ....
_13 કર્યો હતો. અનેક પૂ.સાધુ-સાધ્વીજી ભગવંતોને પણ શારીરિક તકલીફોમાંથી મુક્ત કરાવી આત્મસાધનાના માર્ગ પર ટકી રહેવા સહાયભૂત બન્યા હતા. પોતાના જીવનમાં સમ્યગ્દર્શનની શુદ્ધિ અર્થે અનેક નાનામોટા તીર્થોની યાત્રા કરી હતી. જ્ઞાનશુદ્ધિ તો જાણે તેઓનો જીવનમંત્ર બની ગયો હતો. વ્યાખ્યાન, વાચના, સ્વાધ્યાય-પાઠ, ધાર્મિક સ્તવન, પૂજન વિગેરે સાંભળવા માટે વ્યવહારિક કાર્યોને પણ તેઓ ગૌણ કરી દેતા હતા. ઉપધાન તપ અને પાંત્રીસુ કરીને ચારિત્રશુદ્ધિમાં પણ યત્નશીલ બન્યા હતા. વિશેષ પર્વતિથિએ તેઓશ્રી પૌષધોપવાસ પણ કરતા હતા. વર્ધમાન તપની ૩૫ આયંબિલની ઓળી પૂર્ણ કરીને તપધર્મની આરાધના પણ તેઓએ કરી હતી.
જાનાર તો જા'તા રહ્યા, સદ્ગુણ એના સાંભરે,
લાખો લૂંટાવો તોય પણ મરનાર પાછા ના ફરે.' મારા એકાંત આત્મહિતચિંતક અને કલ્યાણમિત્ર સમાન પૂજ્ય પતિદેવ શ્રી હેમંતભાઈના સદ્ગણોને યાદ કરીને તેમની સ્મૃતિમાં તેમની બીજી વાર્ષિક પુણ્યતિથિએ પ્રસ્તુત પુસ્તકની ત્રીજી આવૃત્તિ તેમને જ અર્પણ કરતા અમે તેઓના ઉપકારનું કાંઈક ઋણ ચૂકવીને ધન્યતા અનુભવીએ છીએ. શ્રી હેમંતભાઈની સ્મૃતિમાં કરાતા દરેક સુકૃતોમાં તેમના લઘુબંધુ શ્રી જગતભાઈનો અમને અત્યંત ભાવભર્યો સહકાર પ્રાપ્ત થયો છે. તેમ પ્રસ્તુત પુસ્તકના પ્રકાશનમાં પણ તેઓશ્રી અમને ખૂબ સહાયક બન્યા છે. વળી, અન્ય પણ ઘણા ઉપકારી શ્રાવકોનું પ્રત્યક્ષ કે પરોક્ષ યોગદાન રહ્યું છે તે સર્વનો આ ક્ષણે આભાર માનું છું.
એલ.ડી. ઈન્સ્ટીટયુટ ઓફ ઈન્ડોલોજીના નિયામકશ્રી, અમને ધર્મમાર્ગમાં પ્રવેશ કરાવનાર અને ડો. હેમતભાઈના કલ્યાણમિત્ર એવા ડો. પં.શ્રી જિતેન્દ્રભાઈ શાહે અમારી વિનંતીનો સ્વીકાર કરીને પ્રસ્તુત વિષય અંગે પોતાના અંતરના ભાવોને અહીં શબ્દદેહે આકાર આપીને અમારા ઉપર વિશેષ ઉપકાર કર્યો છે.
અંતે, પ્રસ્તુત પુસ્તકના આલંબનથી વધુમાં વધુ જીવો અંતિમ સમયે વિધિપૂર્વક આરાધના કરીને સમાધમિરણને પ્રાપ્ત કરી શકે એ જ અભ્યર્થના સહ...
છદ્મસ્થતાને કારણે વીતરાગ પરમાત્માની આજ્ઞા વિરુદ્ધ કાંઈ લખાયું હોય તો ત્રિવિધ ત્રિવિધ મિચ્છા મિ દુક્કડં...
- પારૂલ હેમંતભાઈ પરીખ ૨૧, તેજપાળ સોસાયટી, ફતેપુરા બસ સ્ટેન્ડ પાસે, પાલડી, અમદાવાદ-૩૮૦૦૦૭ ફોન નં.ર૬૬૩૦૦૦૬
| SR No. | 009213 |
| Book Title | Jivan Jagruti Yane Samadhi Maran |
| Original Sutra Author | N/A |
| Author | Hemant Hasmukhbhai Parikh |
| Publisher | Hemant Hasmukhbhai Parikh |
| Publication Year | 2015 |
| Total Pages | 176 |
| Language | Gujarati |
| Classification | Book_Gujarati |
| File Size | 1 MB |