Page Text
________________
ત્રીજી આવૃત્તિની વેળાએ.... પચ્ચક્ખાણ કરાવ્યા, ખામણા કરાવ્યા અને થોડીક ક્ષણોમાં તેઓએ પણ ખૂબ જ સમાધિપૂર્વક દેહ છોડ્યો.
હવે પછી શ્રી હેમંતભાઈનું જીવન વધુ જાગૃતિમય બન્યું અને વૈરાગ્યની ભાવના વધુ દૃઢ બની. પૂ. પિતાશ્રીના અવસાન પછી માત્ર પાંચ જ વર્ષમાં પૂ. માતૃશ્રી શારદાબેનનું છત્ર પણ ગુમાવ્યું. તેઓને પણ મરણ સમયે સુપુત્ર શ્રી જગતભાઈ અને તેમના ધર્મપત્ની શ્રીમતી શિલ્પાબેનના શુભ પ્રયાસથી પૂ.સાધ્વીજી ભગવંતના મુખેથી અત્યંત સંક્ષેપથી પણ પ્રસ્તુત વિધિ કરાવી શકાઈ.
ઈ.સ.૨૦૦૯-વિ.સં. ૨૦૬૫માં ‘શ્રાવક અંતિમ આરાધના’ અને ‘સાધુ-સાધ્વીજી અંતિમ આરાધના' બંને પુસ્તકોનો એક જ પુસ્તકમાં સમાવેશ કરીને પ્રથમ આવૃત્તિનું પ્રકાશન શ્રી હેમંતભાઈ દ્વારા કરવામાં આવ્યું. જેની બધી ૧૦૦૦ નકલો ખલાસ થઈ જતા ઈ.સ.૨૦૧૩-વિ.સં. ૨૦૬૯માં કેટલાક સુધારા સાથે ફરી બીજી આવૃત્તિની ૫૦૦ નકલો છપાવવામાં આવી. આ જ અરસામાં શ્રી હેમંતભાઈને પોતાને પણ લીવરના કેન્સરની ભયંકર બિમારીનું નિદાન થયું.
માત્ર ૫૩ વર્ષની ઉંમરે લાગુ પડેલા આ મહારોગના નિવારણ અર્થે પોતાના તબીબી વ્યવસાયમાં પરિચિત તબીબોના સલાહસૂચન લઈને આધુનિક પદ્ધતિથી ટ્રીટમેન્ટ પણ કરાવી. જાણે આ પુસ્તકના સંકલન વડે પૂર્વ તૈયારીઓ કરી લીધી હોય તેમ રોગ લાગુ પડ્યા પછી ખબરઅંતર પૂછવા આવતા સ્નેહી-સ્વજનોના મુખેથી નવા નવા સ્તુતિઓ અને સ્તવનો જ સાંભળવાનો તેઓનો આગ્રહ રહેતો. પૂ.સાધુ-સાધ્વીજી ભગવંતોપાસેથી વૈરાગ્યની સજ્ઝાયો સાંભળતા અને દેહથી ભિન્ન એવા આત્માની અનુભૂતિ કરવાના ઉપાયો સાંભળતા. છેલ્લા દિવસે પૂ. ગુરુભગવંતની હાજરીમાં વિધિપૂર્વક પચ્ચક્ખામોનું ગ્રહણ, વ્રતોનું ગ્રહણ અને ચતુઃ શરણનો સ્વીકાર કરીને સર્વ બાહ્ય પદાર્થોને વોસિરાવીને પછી જાણે પોતે અંતરમાં લીન બની રહ્યા. ધીમે ધીમે શરીરના બધા અંગો શિથિલ બનવા લાગ્યા અને સ્વગૃહે કુટુંબીજનોના મુખેથી નમસ્કાર મહામંત્રનું શ્રવણ કરતા કરતા આ ભવનું આયુષ્ય પુરું કર્યું. સમાધિમય જીવન જીવવા અને જીવડાવવાની સાથે અવશ્યભાવી એવું મરણ પણ સમાધિમય રીતે મેળવી બતાવ્યું. આયુષ્યકર્મની મર્યાદાને કોઈ તીર્થંકર પરમાત્મા પણ વધારી શકતા નથી તેમ શ્રી હેમંતભાઈના આયુષ્યને પૂર્ણ કરાવવામાં માત્ર ત્રણ માસની માંદગી નિમિત્ત બની.
શ્રી હેમંતભાઈએ જીવન દરમિયાન તબીબી વ્યવસાયની સહાયતાથી અનેક જીવોને શારીરિક શાતા અપાવવાના માધ્યમથી પણ ધર્મમાર્ગે જોડવાનો જ સતત પ્રયાસ
12
-
| SR No. | 009213 |
| Book Title | Jivan Jagruti Yane Samadhi Maran |
| Original Sutra Author | N/A |
| Author | Hemant Hasmukhbhai Parikh |
| Publisher | Hemant Hasmukhbhai Parikh |
| Publication Year | 2015 |
| Total Pages | 176 |
| Language | Gujarati |
| Classification | Book_Gujarati |
| File Size | 1 MB |