________________
૧૦૮
વોસિરાવ્યા બાદ શ્રાવકે કરવાનું કર્તવ્ય
* અથવા કપડાંના ચૌદ પડ કરી લંગોટ બાંધવો.
* તેની ઉપર જંઘા સુધીનો લેંઘો પહેરાવવો.
* તેની ઉપર પગની ઘૂંટી સુધીનો લેંઘો પહેરાવી ઉપર કેડના ભાગે કંદોરો બાંધવો. તેની ઉપર પગની પાની સુધીનો લાંબો સાડો પહેરાવી ઉપર દોરી બાંધવી. કંચુઆને સ્થાને પહેલાં કપડાંનો પાટો વીંટવો.
* તેની ઉપર કંચુઓ પહેરાવવો. પછી કપડો ઓઢાડવો.
જો નનામીમાં સુવડાવે તો પગની પાની ઢંકાય તેટલો લાંબો કપડો ઓઢાડવો. મુખ ખુલ્લું રાખવું.
મૃતકને નનામી કે માંડવીમાં જ્યાં પધરાવે ત્યાં પણ માથાની પાસે લોઢાની
ખીલી જમીનમાં મારવી.
મૃતકની જમણી બાજુએ ચરવળી અને મુહપત્તી મૂકવાં.
મૃતકની ડાબી બાજુ એક લાડુ સહિતની ખંડિત પાત્રાવાળી ઝોળી મૂકવી. * સાધુ-સાધ્વી જે સમય કાળધર્મ પામેલા હોય તે વખતનું નક્ષત્ર જોવું (અથવા જાણકારને પૂછવું.)
જો રોહિણી-વિશાખા-પુનવર્સ-ઉત્તરષાઢા-ઉત્તરાફાલ્ગુની-ઉત્તરા ભાદ્રપદ આ છ પૈકી કોઈ એક નક્ષત્ર હોય તો મૃતકની બાજુમાં ઘાસના બે સૂકા પૂતળાં બનાવીને મૂકવા. ઘાસ ન મળે તો સાવરણીના બે ટુકડા કરી + શ્રવી નિશાની મુજબ બાંધી દેવાથી પૂતળુ થઈ જશે.
જો કાળધર્મ વખતે જ્યેષ્ઠા-આદ્રા-સ્વાતિ-શતભિષેક-ભરણી-આશ્લેષા-અભિજિત્ એમાંનું કોઈ એક નક્ષત્ર હોય તો પૂતળું મૂકવું નહી.
જો કાળધર્મ વખતે ઉપર જણાવેલા તેર નક્ષત્ર સિવાયનાં પંદર નક્ષત્રમાંનું કોઈ એક નક્ષત્ર હોય તો એક પૂતળું મૂકવું.
જેટલાં પૂતળાં મૂકવાનાં થાય તે પ્રત્યેક પૂતળા દીઠ એક ચરવળી, એક મુહપત્તિ અને લાડુ સહિતની ખંડિત પાત્રાવાળી એક ઝોળી મૂકવી.
પરંપરાનુસાર મૃતકનાં મુખ-કાન વગેરેમાં રૂ નાખવું જેથી લાંબો સમય રહે તો જીવડા વગેરે પ્રવેશે નહીં.)
કાળ કરેલ સાધુ કે સાધ્વીને મુહપત્તિ મુખે બાંધવાની માન્યતા કોઈક સમુદાયમાં છે.
