________________
સમાધિ મરણ
૧૦૩
સમવસરણ હું બનાવું. ઉત્તમાર્થની આરાધના કરનારને કશા જ ઉપસર્ગ - પરિષદ ન થાય તેનું ધ્યાન રાખું.. ગિરનાર તીર્થ પર ભાવિ ચોવીશી મોક્ષે જનાર છે તે ભાવિ ચોવીશીના ૨૪ જિનનું મંદિર બાંધુ.. ગિરનારની યાત્રા જનારની તમામ તકલીફો દુર કરૂં... કોઈપણ ભવનું બીજાનું દેવું હોય તે ચુકવી દઉં.
જગતમાં કોઈ જીવોને કોઈ જીવો સાથે વેરભાવ ન રહો. બધા જીવોને બધા જીવો જોડે મૈત્રીભાવ રહો.
કોઈપણ ભવનું કોઈપણ પ્રકારનું કોઈપણ જીવને મારું દેવું હોય તો હું તેને માફ કરૂં છું.
મારા નિમિત્તે કોઈ જીવ દુઃખી ન થાય.
મારા નિમિત્તે કોઈપણ જીવે જે કર્મબંધ કરેલ હોય તે માત્ર પશ્ચાત્તાપથી તેને નાશ પામે પરંતુ કોઈપણ શારીરિક-માનસિક પીડા તેને ભોગવવી ન પડે.
મારી સાથે માયા-કપટ કરનાર, મારા પ્રત્યે ઈર્ષા-દ્વેષ રાખનાર જીવો ખૂબ સુખી થાય, ક્ષાયિક ચારિત્ર પામે, મોક્ષે જાય.
આવશ્યક ક્રિયાદિમાં સૂત્રો બોલનારા કોઈની જાહેરમાં કાંઈ ભૂલ ન થાય.. જીવનના અંત સુધી હું બીજા સાધુની ભક્તિ કરનારો બનું.. મોક્ષે ન પહોચે ત્યાં સુધી દરેક ભવમાં હું સ્વાશ્રયી રહે... બીજા પાસે કામ કરાવવાની વૃત્તિ મને કદી ન થાય.. પરાર્થકરણનો વિચાર કરીને હું સદા પરોપકાર કરવાની ભાવના વાળો રહું. કોઈપણ ભવમાં મને બીજા છેતરે તોપણ કોઈને છેતરનાર ન બનું.
(૯) અનશન (આહાર ત્યાગ) (નોંધ : વર્તમાન કાળે વિશિષ્ટ જ્ઞાની પુરુષોનો અભાવ વર્તે છે. ગ્લાનાદિ પણ સંથારો લેવા માટે તેવા સંઘયણ-સામર્થ્ય ધરાવતા નથી માટે સાગારી અનશન કરાવવું.) (૧) મુઠિસહિયં પચ્ચકખાણ :
જન્મ-મરણ કરતા મેં જે અભક્ષ્યનું ભક્ષણ કરેલ (ખાધેલી હોય તેનું મિચ્છા મિ દુક્કડમ્. ભક્ષ્યનું ભક્ષણ (ખાવાનું) રાગ-દ્વેષપૂર્વક કરેલ હોય તેનું મિચ્છા મિ દુક્કડમ્.
