________________
૧૦૦
સાધુ સાધ્વી અંતિમ આરાધના વિધિ શ્રાવકને શ્રાવક બનાવવા કે દ્રઢ કરવાને બદલે મારો વ્યક્તિરાગી કે સમુદાયરાગી બનાવેલ હોય તેની હું માફી માંગું છું.
કેવળ આહાર સંજ્ઞાને વશ બનીને, જીભની લાલસાથી મેં ગોચરી લીધેલ હોય, વાપરેલ હોય અથવા જીભને અપસંદ ગોચરી ન વહોરેલ હોય તેની હું માફી માંગુ
દિક્ષા મોક્ષ માટે લેવાની હોય છે. મોક્ષ માટે શાસ્ત્રની આજ્ઞા મહત્વની છે જેને બદલે મેં શાસ્ત્રાજ્ઞાને ઠોકર મારીને સમુદાય વ્યામોહમાં અટવાઈ જઈ ગુરૂઆજ્ઞા મુખ્ય બનાવેલ હોય, નીચેના સાધુઓને શાસ્ત્રાજ્ઞા કરતા ગુરૂઆજ્ઞા મહત્વની સમજાવેલ હોય તેની હું માફી માંગું છું.
મુકામમાં બિમાર રહેલા સાધુને વૈયાવચ્ચ - સાંત્વના દ્વારા શાતા આપવાને બદલે મેં મારા ભણવા, ભણાવવાની વૃત્તિ પ્રવૃત્તિને મહત્વ આપેલ હોય તેનું મિચ્છા મિ દુક્કડમ્.
કદાગ્રહને વશ થઈને મેં અનુગ્રહ બુદ્ધિ છોડીને વ્યાખ્યાનાદિ કરેલ હોય તેનું મિચ્છા મિ દુક્કડમ્.
વીતરાગ સર્વજ્ઞ ભગવંતની આજ્ઞા વિરૂદ્ધ જે કાંઈ કર્યું, કરાવ્યું કે અનુમોદેલ હોય તેની હું માફી માંગું છું.
સામુદાયિક પ્રસંગોમાં મારું જ મહત્ત્વ દેખાય તેવું બોલેલ હોઉં, વર્તન કરેલું હોય. પ્રસંગ પત્યા પછી છપાવેલ હોય, પૂર્વે બનેલા પ્રસંગો જોયા કે સાંભળેલ હોય પછી તે છપાવતા મારું જ કે મારા વડીલો - સમુદાયનું સારું દેખાડી માન કષાય પોષેલ હોય તેનું મિચ્છા મિ દુક્કડમ્.
| () સુકૃત અનુમોદના) આ ભવમાં કે ભવાંતરમાં ચારિત્ર લઈને મેં જે પ્રતિક્રમણાદિ ક્રિયા વિધિપૂર્વક કરેલ હોય, બીજા પૂ. સાધુ-સાધ્વી કરતા હોય તે બધાની હું અનુમોદના કરું છું.
મેં જ્યારે જ્યારે પણ પાટ ઉપરથી કે નીચે નિસ્પૃહતાથી, અનુગ્રહ બુદ્ધિથી શ્રી જિનકથિત તત્ત્વ સમજાવેલ હોય, બીજા કોઈપણ પૂ. સાધુ - સાધ્વી સમજાવતા હોય તે બધાની હું અનુમોદના કરું છું.
