Jivan Jagruti Yane Samadhi Maran

SR No.: 009213
Original Sutra Author: N/A
Author: Hemant Hasmukhbhai Parikh
Publisher: Hemant Hasmukhbhai Parikh
Publication Year: 2015
Total Pages: 176
Language: Gujarati
Classification: Book_Gujarati
File Size: 1 MB

Page 113

સમાધિમરણ
- ૯૯ છે તેમનામાં લાંબો કાળ સ્નેહભાવ રહે છે માટે સાધુઓએ બધા ગચ્છો જોડે સાંભોગિક (ગોચરી – વંદન વિ.) વહેવાર કરવો જેથી પરસ્પર પ્રીતિ રહે.
કાળની અસર, માન કષાયનું જોર કે ઈર્ષા વિગેરેને વશ થઈને મેં આ પ્રમાણે સત્ય સમજાવેલ ન હોય, વિકૃત કરીને રજુ કરેલ હોય, સામાન્ય દોષ થતા તે પ્રાયશ્ચિત ન હોવા છતાં માંડલી બહાર કરેલ, કરાવેલ કે અનુમોદેલ હોય તેની હું માફી માંગું છું.
શ્રાવકો દ્વારા તે તે સાધુ, સાધ્વીને અમારી હા માં હા નહીં કરો તો વેષ ઉતારી લેશે એવી ધમકી આપી, અપાવીને કે તેવી અત્યંત અધમ પ્રવૃત્તિ કરી, કરાવી કે અનુમોદેલ હોય તેની હું માફી માંગું છું.
મારાથી નાના પર્યાયવાળા તેમજ મોટા પર્યાયવાળા હોય પરંતુ દેશના શક્તિ ન હોય તેમની નિશ્રામાં કોઈ દિક્ષા તપ વિગેરે હોય ત્યાં આમંત્રણે કે વગર આમંત્રણ પહોંચી અને તે નિશ્રાવાળા પૂ. સાધુ-સાધ્વીને અપમાનિત દશામાં મૂકેલ હોય, મારી વાહ, વાહ થાય તેવી વાણી-વર્તન કર્યા, કરાવ્યા, અનુમોદેલ હોય તેની હું માફી માંગું છું. તે તે પૂ. સાધુ - સાધ્વી જ્યાં હોય ત્યાં ખૂબ યશ પામે.
ઉપદેશ દેવો તે મારો અધિકાર છે તે વાત ભૂલી જઈને મારું ધાર્યું કરાવવા ટ્રસ્ટીઓ – આગેવાનોને ૧૨ વ્રત – ધર્મ વિગેરે સમજાવવાને બદલે તેમની ખુશામત કરી હોય, તેમના માન કષાયને પુષ્ટ કરે તેવા વાણી - વર્તનથી મારો અને ટ્રસ્ટીઓનો સંસાર વધે તેવું કરેલ હોય તેની માફી માંગું છું.
શ્રાવક જ્યાં રહેતો હોય ત્યાં બિરાજમાન સાધુને વંદન કરવા જવું જોઈએ. તેમના ચાતુર્માસ પ્રવેશ - વિહારમાં હાજર રહેવું જોઈએ. તેમને વંદન કરવા આવનાર શ્રાવક – શ્રાવિકાને બહુમાનપૂર્વક પોતાના ઘેર લઈ જઈ ભક્તિ કરવી જોઈએ. પૂ. સાધુ - સાધ્વીને અન્ન - પાણી - વસ્ત્ર - પાત્ર – પુસ્તક વિગેરે જે ખપ હોય તે વહોરાવવું જોઈએ. ચાતુર્માસ પૂર્વે વિશેષ ધ્યાન આપવું જોઈએ.
આવો શ્રાવકાચાર સમજાવવા પ્રયત્ન ન કરેલ હોય.. મારો ચોમાસાનો પ્રવેશ - વિહાર - મારી નિશ્રામાં થતાં કાર્યક્રમોમાં હાજરી આપવાનું સમજાવેલ હોય. પોતાની વાહ વાહ કરાવવાની વાતને શાસન માટે છે તેમ સમજાવેલ હોય તેની હું માફી માંગું છું.