Aapne Shakahari Manso

SR No.: 009204
Original Sutra Author: N/A
Author: Atul Doshi
Publisher: Atul Doshi
Publication Year: 2014
Total Pages: 48
Language: Gujarati
Classification: Book_Gujarati
File Size: 4 MB

Page 24

૩.બ. આજનું દૂધઃ એ કેટલું પૌષ્ટિક છે? ૧. દૂધ એ સંપૂર્ણ આહાર છે. આપણા માટે નહીં, પણ પ્રાણીઓનાં વાછરડાં માટે.
૨. ઘણાં બધાં સંશોધનમાં સાબિત થયું છે કે માણસજાતને પ્રાણીઓના દૂધની જરૂર નથી. માણસ જ એક એવું પ્રાણી છે કે જે બીજાં પ્રાણીઓનું દૂધ પીવે છે. ૩. ઉંમર વધવાની સાથે પ્રાણીઓ દૂધ પીવાનું છોડી દે છે, જ્યારે મનુષ્ય જ એક
એવું પ્રાણી છે કે જે ઉંમર વધવાની સાથે દૂધ પીવાનું ચાલુ રાખે છે.
૪. દૂધમાં લોહતત્ત્વ-આયર્ન (Iron) ખૂબ જ ઓછું છે અને હકીકતમાં તો દૂધ લોહતત્ત્વના પાચનને રોકે છે.
આયર્ન મેળવવા માટેનો ઉત્તમ રસ્તો શાકભાજી છે. MILK
૫0 ગેલન દૂધની સામે સ્પીનાચની એક ડિશમાં આયર્ન વધારે છે.
૫. દૂધમાં વધારે ચરબી અને કૉલેસ્ટરોલ છે. ફાઈબર (Fibre) બિલકુલ નથી.
૬. દૂધના વપરાશથી હદય, કેન્સર અને
મધુપ્રમેહ (Diabetes) જેવા રોગ થાય છે. કૉલેસ્ટરોલ અને ફેટ (Saturated fat)ના લીધે લોહીમાં કોલેસ્ટરોલનું પ્રમાણ વધે છે અને હૃદયની નળીઓ બંધ થવાનું જોખમ વધી જાય છે.
૭. ૩૩% ભારતીય (90% દક્ષિણ ભારતીય) લેક્ટોઝની ઊણપ ધરાવે છે. દૂધમાં આવતી ખાંડને અલગ કરવાની એમના શરીરની ક્ષમતા નથી અને એથી એ લોકો ઘણી બધી બીમારીથી પીડાય છે.
૮. મુંબઈમાં યોજાયેલી એક પત્રકાર પરિષદમાં ડૉ. શોભા રાઉલ (બાળક વિકાસ સમિતિના ચેરમેન)ના જણાવ્યા મુજબઃ “મુંબઈમાં મોટા ભાગનાં પ્રાણીઓને TB થયેલો હોય છે, જેમનું અશુદ્ધ દૂધ લાખો મુંબઈવાસી પીવે છે. એને કારણે આ આશ્ચર્યજનક નથી લાગતું કે મુંબઈમાં દર વર્ષે ૨૦,૦૦૦ લોકોને TB થાય છે.”
INGREDIENTS: RAPE, TORTURE, ANIMAL ABUSE, INFANTICIDE, MURDER, HEART DISEASE, BREAST CANCER, OBESITY, OSTEOPOROSIS, DIABETES
એક આઘાતજનક બાબત એ પણ છે કે કોઈ કોઈ ડેરી તો પ્રાણીઓના ખોરાકમાં કતલખાનામાંથી નીકળતો કચરો (જે પ્રાણીઓનાં હાડકાં અને બીજા અવયવ હોય છે) વાપરે છે. આપણે વિચારવું રહ્યું કે આવા ખોરાક જે પ્રાણીઓને આપવામાં આવે છે એમનું દૂધ કેવું હોઈ શકે.