Page Text
________________
આપણા ભારત દેશમાં પશુરક્ષા માટે કેવા કાયદા છે?
- આપણે પશુઓની મજાક કરી રહ્યા છીએ... અહિંસાના જનક ભારત દેશમાં ભારતીય નાગરિકોને ખુશ કરવા અને શાંત રાખવા પશુરક્ષાના કાયદાઓ કરવા પડે, પરંતુ દૂધ-માંસ-ચામડાનું ઉત્પાદન વધારવું હોય તો એમાં છટકબારીઓ પણ રાખવી પડે, જેથી કરીને કાયદાનો કોઈ પણ મતલબ જ ન રહે.
ભારત દેશના બંધારણમાં કલમ ૫૧-જી મુજબ દરેક નાગરિકની ફરજ છે કે “એણે દરેક જીવ પ્રત્યે દયા દાખવવી...' પરંતુ કલમ ૩૮-એ મુજબ “દરેક રાજ્યએ ગાય, વાછરડાં અને બીજા દૂધાળાં પ્રાણીઓની કતલ ન થાય એ માટે પ્રયત્ન કરવો એવું લખવામાં આવ્યું છે. આપણે બંધારણના પાયામાંથી જ પશુરક્ષાના કાયદાને પોકળ બનાવી દીધા છે અને એથી ત્યાર પછીના કાયદાઓ બન્યા એનો બહુ મતલબ રહ્યો નહીં.
હવે પ્રાણી કલ્યાણના બે કાયદા પર નજર નાખીએ ૧. પશુપાલન, ડેરી અને મત્સ્યપાલન વિભાગ (કૃષિખાતાનો એક ભાગ) જે પશુધન ઉત્પાદન, જાળવણી, રક્ષણ, ડેરી વિકાસ સુધારણા વિ. માટે જવાબદાર છે એ કતલખાનાં સ્થાપવા માટે સબસિડી આપે છે.
૨. ભારત પશુ કલ્યાણ બોર્ડ (Animal Welfare Board) જેની સ્થાપના પ્રાણીઓની ક્રૂરતા નિવારણ, ૧૯૬૦ના કાયદા નીચે કરવામાં આવી હતી. એના બંધારણમાં પ્રાણીઓ પ્રત્યે દયા દાખવવી એવું દર્શાવવામાં આવ્યું છે. એ ઘણાં સારાં કાર્ય કરે છે, પરંતુ સાથે સાથે એનાં અમુક કાર્ય કેવાં છે એના પર એક નજર નાખીએ... જ પ્રાણીઓને કતલખાને લઈ જવામાં આવે ત્યારે વાહનોમાં કેવી રીતે લઈ જવાં એના કડક કાયદા બનાવવા, જેથી કરીને પ્રાણીઓને ઓછી તકલીફ થાય. જ કતલખાનાએ પ્રાણીઓની માનવીય રીતે કતલ થાય એવા કાયદા બનાવવા.
સરકારને કતલખાનું કેવું હોવું જોઈએ એની સલાહ આપવી, જેથી કરીને પ્રાણીઓને કતલ કરતાં પહેલાં બને એટલી ઓછી પીડા થાય.
કસાઈઓને પ્રાણીઓની માનવીય રીતે કતલ કઈ રીતે કરાય એની તાલીમ આપવી એવું સૂચવવું. - પશુ કલ્યાણ બોર્ડની નોંધ પ્રમાણે માનવી અને પશુઓની વધતી જતી સંખ્યા એમના બન્ને વચ્ચેના સંઘર્ષનું કારણ બન્યું છે.
પ્રાણીઓ ચૂંટણીમાં મત આપતાં નથી તો કોણ એમના માટે બોલશે અને કોણ સાંભળશે.
Speak Up
* * * * IT
They can
૧૩
| SR No. | 009204 |
| Book Title | Aapne Shakahari Manso |
| Original Sutra Author | N/A |
| Author | Atul Doshi |
| Publisher | Atul Doshi |
| Publication Year | 2014 |
| Total Pages | 48 |
| Language | Gujarati |
| Classification | Book_Gujarati |
| File Size | 4 MB |