________________
દિલ્હીમાં જ કર્યું અને ગુરુમહારાજના સંગમાં રહીને તીક્ષ્ણ બુદ્ધિ તથા પ્રબળ ગ્રાહ્યશક્તિ વડે સારી પેઠે જ્ઞાન સંપાદન કર્યું.
માતાપિતા તરફથી ઢીલ કરવાનું સૂચન છતાં ઉતાવળે દીક્ષા ગ્રહણ કરી હતી, પરંતુ ભવિતવ્યતા અનુકૂળ હોવાથી જે થયું તે સારું જ થયું હતું; કેમ કે જો ગુરુમહારાજે આ અવસરે દીક્ષા આપવાની કૃપા કરી ન હોત તો ચાતુર્માસમાં વિઘ્નનો સંભવ ઉત્પન્ન થયો હતો. ચોમાસાના બે મહિના વીત્યા પછી કૃપારામના એક મોટાભાઈનું મૃત્યુ થયું હતું. તેથી જો દીક્ષા લેવાણી ન હોત તો તરતને માટે કદાચ દીક્ષા લેવાની મુદત લંબાવવા જરૂર પડત; પરંતુ તાદૃશી ગાયતે બુદ્ધિર્યાવૃશી ભવિતવ્યતા એટલે “જેવી ભવિતવ્યતા હોય તેવી જ બુદ્ધિ થાય છે,” એ વાક્ય અહીં સફળ થયું હતું.
વ્યાકરણના અભ્યાસ ઉપર મૂળથી જ પ્રીતિ હતી તેથી સંસારીપણામાં પંચસંધિનો અભ્યાસ કર્યો હતો. બાકી પ્રથમ ચાતુર્માસમાં જ લગભગ પહેલી વૃત્તિ પૂર્ણ કરી અને સાધુની ક્રિયાનાં સૂત્રો કંઠે કર્યાં, તેમજ દશવૈકાલિકસૂત્ર ગુરુમહારાજ પાસે અર્થ સહ વાંચ્યું.
સ્થવિરકલ્પી મુનિઓને માટે સર્વજ્ઞે નવકલ્પી વિહાર કરવાની આજ્ઞા કરેલી છે તેને અનુસરીને ચાતુર્માસકલ્પ સંપૂર્ણ થવાથી તરત જ દિલ્હીથી વિહાર કરી ફરતાં ફરતાં જયપુર આવ્યા, અને સંવત ૧૯૦૯નું ચોમાસું ગુરુમહારાજ, મૂલચંદજી, પ્રેમચંદજી અને પોતે મળી ચાર મુનિઓએ
૧૨
