________________
૨૦
જગદ્ગુરુ
(૪)
બીજા જ, જેઠ વદ-૧૨ના, દિવસે થાનસિંહ વગેરે આગેવાન શ્રાવકો સૂરિજી પાસે પહોંચી ગયા. સૂરિજીની પહેલી મુલાકાત અબુલફજલ સાથે થઈ. ત્યાં થયેલી તાત્ત્વિક ચર્ચાઓથી અબ્દુલફઝલ ખૂબ પ્રભાવિત થયા. લગભગ બપોરનો સમય થઈ ગયો હતો. એટલે સૂરિજીએ આયંબિલ ત્યાં જ કરી લીધું.
આ બાજુ અકબરે દરબારમાં આવતાની સાથે જ સૂરિજીને પધારવા માટે સમાચાર મોકલ્યા. અબુલફજલની સાથે આચાર્ય ભગવંત, કેટલાક સાધુઓ તથા થાનસિંહ વગેરે શ્રાવકો દરબારમાં ગયા. સૂરિજીના આગમનથી અકબર એટલો હરખઘેલો થયો કે સિંહાસનથી ઊઠીને જાણે દોડતો જ સામે ગયો. અને બેઠકખાના પાસે લઈ ગયો. ત્યાં ઊભા-ઊભા કુશળ સમાચાર પૂછ્યા અને વિહાર કઈ રીતે કરીને આવ્યાની વિગત જાણી, આવા કઠોર આચારપાલન
