Page Text
________________
ધન છે, વિપુલ સંખ્યામાં પવિત્ર સાધુ-સાધ્વી છે, પુષ્કળ તપોબળ છે, કુનેહ છે, લાગવગ છે, સૂઝ છે... બધું છે. શું નથી ?
કાશ ! પણ બધું આપસી ઉગ્રતાઓ પાછળ વપરાઈ રહ્યું છે. આ સ્થિતિને વહેલી તકે સુધારવી પડશે. એમ નહિ થાય તો થોડા વર્ષો પછી અવગણના પામેલી નવી પેઢીમાં મોટા પ્રમાણમાં દારૂ, માંસ, ઈંડા અને દુરાચાર ફેલાયેલો જોવાના ખૂબ જ ખરાબ દિવસો આવીને જ રહેશે. એને કોઈ પણ સંયોગમાં રોકી શકાશે નહિ.
જો કે આજે પણ પરિસ્થિતિ ઘણી બગડી છે. પ્રજાના ઠીક ઠીક ભાગમાંથી દયા, નીતિ અને સદાચાર ઝપાટાબંધ વિદાય થઈ ગયા છે. આ રહ્યા કેટલાક નમૂનાઓ.
કેવો ક્રૂર જમાનો ! છ પ્રસંગો (૧) ત્રણ વર્ષનો બાબો ઈજેક્સનની સિરિન્જમાં પાણી ભરીને પિચકારી મારતો હતો. કોક મહેમાને તેને પૂછ્યું, “મોટો થઈને તું શું બનીશ?” ઉત્તર મળ્યો, “ડોક્ટર.'
વળી સવાલ થયો કે, “ડોક્ટર થઈને સૌથી પહેલું કામ તું શું કરીશ?' જવાબ મળ્યો, “મારા પપ્પા અને મમ્મીને ઝેરનું ઈજેક્સન આપીને મારી નાંખીશ.” (‘ગુજરાત સમાચારમાં ફાધર વાલેસે જણાવેલ જાત-અનુભવ.)
(૨) આઠમીમાં ભણતી બેબીએ સ્કૂલના પુસ્તકોની બેગમાંથી ઘેર લેસન કરવા માટે પુસ્તકો બહાર કાઢ્યા. પુસ્તકોની સાથે મરેલો દેડકો પણ નીકળ્યો. તેના પિતાએ તે દેડકો જોયો. કમકમી જતાં તેમણે પૂછ્યું, “બેટા! બેગમાં મરેલો દેડકો કેમ ?'
ઉત્તર : અમારે દેડકાને ચીરો મારીને, બેભાન કરીને શરીર-વિજ્ઞાન ફરજિયાત ભણવાનું હોય છે. મને આ દેડકો આપવામાં આવ્યો હતો. જો હું આમ નહિ કરીને ભણું તો પરીક્ષામાં નપાસ થાઉં
(૩) અઢાર વર્ષની કૉલેજ-કન્યા કોઈ પરકોમના છોકરાના ‘લવ'માં પડી. પૂરતો લાભ ઉઠાવીને છેવટે તે છોકરાએ આ કન્યાને તજી દીધી. તે ગર્ભવતી થઈ. ઝેર ઘોળીને જીવનનો તેણે અંત આણ્યો, કેમકે તે સંસ્કારી ઘરની સારી કન્યા હતી !
તે મરતી વખતે માતા-પિતાને પત્ર લખતી ગઈ, જેમાં છેલ્લું વાક્ય હતું: “દુરાચાર કરીને જેનું શરીર ગંધાઈ ઊડ્યું હતું તેવી તમારી દીકરી મરી ગઈ છે તો તે બદલ જરાય શોક ન કરતા. એવા ગંધાયેલા દેહને આનંદથી બાળી નાંખજો.”
(૪) સિનેમાએ જીવનને ઝેર કરી નાંખ્યા બદલ અકળાયેલા યુવાને ગોરખપુરના કલ્યાણ'માં જાહેર નિવેદન આપ્યું છે જેમાં તેણે છેલ્લે લખ્યું છે, “અમને સિનેમાના આ સર્વનાશી દોષમાંથી કોઈ છોડાવશે ખરું? આના કારણે અમારા લાખો યુવાનો અને યુવતીઓના યૌવનના કૌવતનો સૂર્ય મધ્યાહ્નમાં જ આથમી ગયો છે !”
(૫) ચોવીસ જ વર્ષની પરિણીતાને પોતાના પતિથી ગર્ભ રહ્યો. મોડે મોડે-ગર્ભના સાત માસ વીત્યા બાદ-તેને લાગ્યું કે અત્યારથી બાળક શા માટે ? હરવા-ફરવાની બધી મજા ખલાસ થઈ જશે.
અને...તેણે ડૉક્ટરની સાફ ના-ગર્ભને વધુ પડતો સમય થઈ જવાથી-હોવા છતાં ગર્ભપાત કરાવ્યો. ખૂબ જલદ દવાઓ લીધી. માંડ માંડ ગર્ભ પડ્યો. તે માંસપિંડને પેટ ચીરીને બહાર કાઢવો પડ્યો. તે વખતે ય તેનામાં જીવ હતો અને તે બાળક ઝીણી ચીસો પાડતું હતું. નર્સે તેને ઊંચકીને ધર્મ તો મારો સ્વભાવ છે
૪૭
જૈન મહાભારત ભાગ-૨
| SR No. | 009165 |
| Book Title | Jain Mahabharat Part 02 |
| Original Sutra Author | N/A |
| Author | Chandrashekharvijay |
| Publisher | Kamal Prakashan |
| Publication Year | 2004 |
| Total Pages | 222 |
| Language | Gujarati |
| Classification | Book_Gujarati |
| File Size | 1 MB |