Page Text
________________
વખતની ભૂલમાં જે એક્સિડન્ટ થાય તેનાથી કરોડો રૂપિયાનું નુકસાન થાય અને જાનહાનિ થાય તે તો વધારામાં.
પણ ના...હવે આ વાત ખૂબ આગળ વધી ગઈ છે. આને માનવીય બળોથી રોકવાનું કામ ખૂબ મુશ્કેલ બની ગયું છે.
મહાભારતની કથાની દારૂમાંથી જાગેલી યાદવાસ્થળી અને તેના કારણે શ્રીકૃષ્ણ જેવાની હાજરીમાં થયેલો યાદવકુળનો સર્વનાશ; રે ! શ્રીકૃષ્ણનું પણ મૃત્યુ તે દેશમાં દારૂબંધી સત્વર લાવવા માટેનો કેટલો જબ્બર, કેવો પ્રેરક બોધપાઠ છે !
પણ બહેરાના કાને આ શબ્દો શી રીતે અથડાશે ?
વળી આ પણ કેવી કમાલ ! અગિયાર વર્ષ સુધી તો લગાતાર સહુએ ધર્મ આરાધ્યો અને છોડ્યો ત્યારે બધાએ એકીસાથે છોડી દીધો.
પેલા સુભૂમ ચક્રવર્તીની પાલખી જેવું થયું. દરિયા ઉપરથી દેવો તેની પાલખી લઈને જઈ રહ્યા હતા. એકીસાથે બધાને એક જ વિચાર આવ્યો કે,‘હું એકલો પાલખી છોડી દઈશ તો પાલખી થોડી સમુદ્રમાં પડી જશે ?’ આ વિચારે બધાએ એકીસાથે પાલખી છોડી અને બિચારો સુભૂમ ! દરિયામાં ડૂબી મર્યો, સીધો સાતમી નરકમાં ગયો !
એકવાર સમ્રાટ અકબરે આખા નગરને આદેશ કર્યો કે, દરેકે એક એક ગ્લાસ દૂધ અમુક ખાલી હોજમાં નાંખી જવું.' દરેક નગરજને વિચાર્યું કે, ‘કદાચ હું એકલો પાણી ભરેલો ગ્લાસ હોજમાં નાંખી આવીશ તો કોઈને થોડી ખબર પડી જશે ?'
બીજે દિ’ અકબર બાદશાહે આખો હોજ માત્ર પાણીથી ભરાયેલો જોયો !
શાસ્ત્રકાર પરમર્ષિઓ કહે છે કે કેટલીક વાર જે આખા સમુદાયે એકીસાથે પાપ બાંધ્યું હોય તેને એકીસાથે જ તેનું દુષ્ટ ફળ પ્રાપ્ત થતું હોય છે.
સિનેમાના પડદા ઉપરના કેટલાક દશ્યો વખતે આખો પ્રેક્ષક-વર્ગ એકીસાથે કામની કે ક્રોધની અશુભ લાગણીને સ્પર્શીને જે અશુભ કર્મ બાંધે છે તેના કારણે ક્યારેક એવું પણ બની જાય કે તે પ્રેક્ષક-વર્ગના બધા આત્માઓ અમુક જ જગ્યાએ એકત્રિત થાય, જન્મ લે, જીવન જીવે અને ત્યાં જ ધરતીકંપ વગેરે થતાં તે એકીસાથે ખલાસ થાય.
સગર ચક્રવર્તીના સાઇઠ હજાર પુત્રો ‘અષ્ટાપદ તીર્થ'ની રક્ષાનું કાર્ય કરતાં એકીસાથે મૃત્યુ પામ્યા હતા. તેનું કારણ એ હતું કે તેઓ ભૂતપૂર્વ ભવમાં લૂંટારા હતા અને તેમણે એકીસાથે કોઈ તીર્થયાત્રાના સંઘ ઉપર આક્રમણ કરીને લૂંટ ચલાવવાનું પાપ બાંધ્યું હતું.
સામૂહિક પાપ ! સામૂહિક ફળ !
દ્વારિકાનું દહન થયું તેમાં જે આત્માઓ હોમાયા તેમણે એકીસાથે પૂર્વે પાપ કર્યું હતું કે કેમ તે જાણમાં નથી, પરંતુ તેમણે એકીસાથે દહનનિવારણના લક્ષપૂર્વક અગિયાર વર્ષે ખૂબ ધર્મ કર્યા બાદ તેનો પરિત્યાગ જરૂર કરી દીધો હતો.
જરાકુમાર દ્વારા શ્રીકૃષ્ણની હત્યા
અહીં માર્ગે ચાલતાં શ્રીકૃષ્ણ હસ્તિકલ્પ નામના નગર પાસે આવ્યા એટલે તેમને ક્ષુધાની પીડા ઉત્પન્ન થઈ. તેથી તેમણે તે વાત બળદેવને જણાવી. બળદેવ બોલ્યા, “હે બાંધવ ! હું તમારા માટે ભોજન લેવા આ નગરમાં જાઉં છું, પરંતુ તમે અહીં પ્રમાદરહિત રહેજો. અને જો મને નગરમાં કાંઈ પણ કષ્ટ ઉત્પન્ન થશે તો હું સિંહનાદ કરીશ એટલે તમે તે સાંભળીને તરત ત્યાં આવજો.’’ ધર્મ તો મારો સ્વભાવ છે
જૈન મહાભારત ભાગ-૨
૧૯૭
| SR No. | 009165 |
| Book Title | Jain Mahabharat Part 02 |
| Original Sutra Author | N/A |
| Author | Chandrashekharvijay |
| Publisher | Kamal Prakashan |
| Publication Year | 2004 |
| Total Pages | 222 |
| Language | Gujarati |
| Classification | Book_Gujarati |
| File Size | 1 MB |