________________
શીતળ નહિ છાયા રે આ સંસારની, રૂડી એક માયા રે જિન અણગારની.
ગૂર્જરેશ્વર કુમારપાળ પરમાત્માની સમક્ષ વારંવાર યાચના કરતાં કહેતા, “તવ પક્ષના भिक्षुत्वं देहि मे परमेश्वर !"
“ભગવંત ! મારું અઢાર દેશનું સ્વામિત્વ તું લઈ લે અને મને તારા શાસનનું સાધુપણું આપ.”
શ્રીકૃષ્ણ આવી કક્ષાના ઉત્તમ આત્મા હતા. તેઓ તીવ્ર ચારિત્રમોહનીય કર્મના ઉદયમાં સપડાયા હોવાથી સર્વસંગત્યાગી બની શક્યા નહિ પરન્તુ એમણે અનેકોને પ્રવ્રજ્યાના માર્ગે વાળ્યા. પોતાની દીકરીઓને પણ કાયમ તેની જ પ્રેરણા કરી.
જે આત્મા સમ્યગ્દર્શન પામે છે તેની બે બહુ મોટી વિશિષ્ટતાઓ પૂરબહારમાં વિકસે છે : (૧) પોતાના પાપોની તીવ્ર નિંદા અને (૨) બીજાના ગુણો-ગુણીજનોની ભરપૂર અનુમોદના.
ધર્મ તો મારો સ્વભાવ છે
૧૮૫
જૈન મહાભારત ભાગ-૨
