Page Text
________________
(૨) શ્રી અજિતનાથ સ્વામી અન્ય કોઈ સ્થાને મારું મન રીઝે એમ નથી. હું જ્યારે ત્યારે એ પ્રભુના ગુણગ્રામ કરીને મારો અમૂલ્ય સમય સફળપણે વ્યતીત કરું છું. મારું તો સર્વસ્વ એ જ છે અને મારો જન્મ પણ એથી જ સફળ છે. ખરી પ્રીતિ તો આવી હોય. અન્ય પ્રકારની જગતની પ્રીતિ તે સ્વાર્થમય પ્રીતિ છે; અને તે સંસારવર્ધક હોવાથી ત્યાગવા યોગ્ય છે. કર્તાએ આ અંતિમ ગાથામાં પોતાના ગુરુ શ્રી નવિજયજીનું નામ પણ સૂચવ્યું છે. //પા.
(૨) શ્રી અજિતનાથ સ્વામી શ્રી મોહનવિજયજીત વર્તમાન ચોવીશ સ્તવન
(મોતીડાની-દેશી) અજિત અજિત જિન અંતરજામી, અરજ કરું છું પ્રભુ શિરનામી; સાહિબા સસનેહી સુગુણજી; વાતલડી કહ્યું કે હી. સા.૧
અર્થ:- હે અજિતનાથ ભગવાન! આપ કોઈથી જિતાઓ એવા નથી. રાગદ્વેષથી આખું જગત જીતાયેલ છે. તેવા રાગદ્વેષને જ આપે જીતી લીધા છે; માટે આપ અજિત જિનેશ્વર છો. અંતર્યામી એટલે સામાની મનોવૃત્તિ જાણનાર એવા પરમાત્મા છો. આપને હે પ્રભુ! શિર નમાવીને હું અરજ કરું છું. હે સાહિબા ! આપ સહુ સાથે સાચો સ્નેહ રાખનારા છો, સમ્યક ગુણોના ભંડાર છો, માટે આપના ગુણો વિષેની હું કેટલી વાત કહું. જેટલી કહું તે સર્વ ઓછી જ છે. IITI
આપણ બાળપણાના સ્વદેશી, તો હવે કેમ થાઓ છો વિદેશી ? પુણ્ય અધિક તુમે હુવા જિગંદા; આદિ અનાદિ અમે તો બંદા. સા૨
અર્થ:- આપણે બાળપણમાં આ સંસારરૂપ સ્વદેશમાં જ રહેતા હતા. તો હવે આપ વિદેશરૂપ મોક્ષમાં વસવાટ કરીને વિદેશી કેમ થાઓ છો. હે પ્રભુ! આપ તો આપની અધિક પુણ્યાઈને લીધે જિનેશ્વર બની ગયા અને હું તો અનાદિકાળથી તે છેક આજ સુધી બંદગી કરવાવાળો એવો સેવક જ રહ્યો એટલે સંસારની ગુલામી કરવાવાળો એવો દાસ જ રહ્યો. પુરા
તાહરે આજે મણાઈ છે શાની? તું હી જ લીલાવંત તું જ્ઞાની; તુજ વિણ અન્યને કો નથી ધ્યાતા; તો જો તું છે લોક વિખ્યાતા. સા૩
ચૈત્યવંદન ચોવીશી ભાગ-૧ અર્થ :- હે પ્રભુ! મોક્ષ નગરીમાં વસવાટ મને કરાવવામાં શું વિઘ્ન નડે છે કે જેથી મને ત્યાં લઈ જતા નથી. તુંહી જ લીલાવંત એટલે સર્વ શક્તિશાળી હોવાથી ધારે તેમ કરી શકે. તો પછી અમને મોક્ષ કેમ આપતા નથી. તારા વિના અમે બીજા અન્ય કોઈ કુદેવો વગેરેનું ધ્યાન ધરતા નથી. કેમકે તું તો ત્રણ લોકમાં વિખ્યાત એવો પ્રભુ છો. કોઈ રાજાને મીઠા વચનોથી પ્રસન્ન કરવામાં આવે તો તે ખુશ થઈને ઈનામમાં ગામ વગેરે આપી દે તો તમે અમને સંસાર સમુદ્રથી તારીને મોક્ષ ન આપી શકો? Iકા.
એકને આદર એકને અનાદર, એમ કેમ ઘટે તુજને કરુણાકર; દક્ષિણ વામ નયન બિટું સરખી; કુણ ઓછું કોણ અધિકું પરખી સા૦૪
અર્થ :- છતાં એકને આદર એકને અનાદર આપો એ પ્રકાર છે કરુણાનિધિ ! આ તમને કેમ ઘટે ? એક શેઠના બે દિકરા હોય તો એકને ગણે ને એકને અવગણે એ કેમ શોભા પામે. કારણ જમણી કે ડાબી આંખ બેય સરખી છે. તેમ તમારે પણ મારા જેવા પાપી કે બીજા ધર્મી પ્રત્યે સરખી જ દ્રષ્ટિ રાખવી જોઈએ; જેમ બેય હાથ સરખા છે તેમ. I૪ો.
સ્વામિતા મુજથી ન રાખો સ્વામી, શી સેવકમાં જાઓ છો ખામી? જે ન લહે સન્માન સ્વામીનો; તો તેને કહે સહુકો કમીનો. સા૦૫
અર્થ:- હે ભગવંત! હવે મારાથી આપ સ્વામીપણું ન રાખો. મને પણ આપના જેવો સ્વામી બનાવો. હજુ સેવકમાં કઈ ખામી જુઓ છો ? જેમ ખરા શેઠ, સેવકને પણ સ્વામી થયેલો જોવા ઇચ્છે, તેમ તમે મને તમારા જેવો ન બનાવો તો તમારું સ્વામીપણાનું બિરુદ કેમ રહેશે ? પણ જે સ્વામીનું સન્માન ન કરે, તેમની આજ્ઞા ન ઉઠાવે તો તેને બધાથી હલકો દુર્ભાગી ગણવો. જેમ કોઈ વ્યવહારમાં પણ પોતાના વડીલોનો વિનય ન કરે તે હલકો ગણાય છે તેમ. //પા/
રૂપાતીત જો મુજથી થાશો, ધ્યાશું રૂપ કરી જ્યાં જાશો; જડ પરમાણુ અરૂપી કહાયે; ગહત સંયોગે શું રૂપી ન થાય. સીe૬.
અર્થ :- જો આપ રૂપાતીત એટલે સિદ્ધ દશાને પામી જશો, તો પણ આપની રૂપી એવી પ્રતિમા બનાવીને અમે આપનું ધ્યાન કરીશું. ભલે જડ પરમાણુ મૂળ સ્વરૂપે દેખાતા નથી. પણ ગહત સંયોગે એટલે તેના પરમાણુઓનો સ્કન્ધ કરવામાં આવે તો શું તે મૂર્તિરૂપ થતાં નથી ? અવશ્ય થાય છે. તેમ મૂર્તિરૂપે આપને પ્રગટ કરી અમારા આત્માનું કલ્યાણ કરીશું. કા.
| SR No. | 009111 |
| Book Title | Chaityavandan Chovisi 01 |
| Original Sutra Author | N/A |
| Author | Paras Jain |
| Publisher | Shrimad Rajchandra Ashram |
| Publication Year | 2007 |
| Total Pages | 181 |
| Language | Gujarati |
| Classification | Book_Gujarati & Rajchandra |
| File Size | 1 MB |