Page Text
________________
સ્તોત્રના રહસ્યોને સમજી એમાં રહેલી મહાશક્તિની અનુભૂતિ દ્વારા આપણી ચૈતન્યશક્તિને જાગૃત કરવા માટે..! આપણામાં રહેલાં નેગેટીવ વાઈબ્રેશન્સ અને નેગેટીવ વિચારોને કારણે માનસમાંથી સતત ઝરતાં નેગેટીવ કેમીકલના સ્ત્રાવને અટકાવી પોઝીટીવ કેમીકલ સ્ત્રાવના પ્રવાહને વેગવંતો બનાવી એના પાવર દ્વારા આસપાસ એક પ્રકારના ચેતન તત્ત્વો અને એવા પ્રકારની પ્રાણશક્તિના વલયનું સર્જન કરી આરાધના દ્વારા આત્માને પલ્લવિત કરવા માટે..! અનેક કુવ્યસનો અને અવગુણવૃતિઓથી છૂટવા માટે...! સૂક્ષ્મશક્તિના Power House સમા ભગવાન પાર્શ્વનાથ જેવા પરમતત્વની ચેતના સાથે આપણી ચેતનાનું Connection કરી એમની દિવ્ય શક્તિને આપણામાં Transfer કરવા માટે...!
પરમાત્મા પાર્શ્વનાથની ભક્તિ આરાધના એટલે જીવનનું એક મહામૂલું સંભારણું ! મહાપ્રભાવક ભગવાન પાર્શ્વનાથ એટલે મંત્રોની દુનિયાના “માઈલ સ્ટોન'! એમની આસપાસ મંત્ર-સ્તોત્રની ઉપાસનાનાં એટલા તો દીવડા ઝળહળ્યાં છે કે એમાંથી એકાદ ઉપાસનાનો દીવડો જો આપણે આપણા જીવનમાં પ્રગટાવી દઈએ તો જીવતર ઝળહળી ઉઠે અજવાળાંના ધોધથી! તમને ખબર છે? જ્યારે તમે જાપની સાધનામાં ડૂબી જાવ છો, ત્યારે તમારી આસપાસ એક “ઈલેક્ટ્રો ડાયનેમિક ફીલ્ડ” રચાઈ જાય છે. તમારી આસપાસના અણુઓમાં એક ડિવાઈન પાવરફુલ ઊર્જાનો આવિર્ભાવ થાય છે. અને બીજી તરફ તમારી ભીતરમાં ગુણાત્મક પરિવર્તન (Qualitative Transformation) આકાર લે છે. અને હા, તમારું વલણ એ માટે પોઝીટીવ હોવું જરૂરી છે!
મંત્રોમાં એ તાકાત છે જે તમારા વ્યક્તિત્વને બદલી નાંખે. તમારા અસ્તિત્વને બદલી નાંખે !
શ્રી ઉવસગ્ગર સ્તોત્ર વર્તમાન પંચમકાળના વેસ્ટર્ન વાતાવરણથી સર્જાતા નિમિત્તજન્ય દુઃખ, અસંતોષ અશાંતિથી બચાવીને સુખ, સમૃદ્ધિ, શાંતિ અને સફળતા કરફ લઈ જનાર પ્રગટ પ્રભાવક, મહા ચમત્કારિક, મહા લબ્ધિવંત, કલિકાલ કલ્પતરૂ સમાન મહા સિદ્ધિદાયક અને ભગવાનના સ્મરણથી સમકિતદાયક છે.
.
26.
| SR No. | 009086 |
| Book Title | Uvasaggahara Stotra Guj |
| Original Sutra Author | N/A |
| Author | Namramuni |
| Publisher | Parasdham Mumbai |
| Publication Year | 2011 |
| Total Pages | 50 |
| Language | Gujarati |
| Classification | Book_Gujarati |
| File Size | 8 MB |