Page Text
________________
પ્રિયતાવિનાની પૂજ્યતા ચાસણી વિનાનીઝ લેબી જેવી હોય..!
માટે જ પરમાત્મા પ્રત્યે પ્રિયતાના ભાવ જાગૃત કરવા પરમાત્માને જાણવા જરૂરી છે. જ્યારે પરમાત્મા પ્રત્યક્ષ ન હોય ત્યારે જેમણે પરમાત્માને જાણ્યા છે. આત્માની ઓળખ કરી છે એવા સદ્ગુરુનું શરણ જ શ્રેષ્ઠ હોય છે. આ યંત્ર પૂજન દ્વારા પૂજ્ય ગુરુદેવના પણ એ જ ભાવ છે કે હર એક વ્યક્તિ પરમાત્માને... પરમાત્માના ગુણોને ઓળખે અને પરમાત્માને પોતાના પ્રિય બનાવે... જે એકવાર પ્રિય બને છે પછી જ તેના જેવા બનવાનું મન થાય છે. જો ભગવાન જેવા બનવું હોય તો પહેલાં ભગવાનને પ્રિય બનાવવા પડે...! સાધના શક્તિથી સમૃદ્ધ દિવ્ય વાતાવરણમાં પૂ. ગુરુદેવના અતલ ઊંડાણમાંથી... નાભિના નાદથી જ્યારે શ્રી ઉવસગ્ગહર સ્તોત્રના એક એક અક્ષરના દિવ્ય ધ્વની નીકળે છે ત્યારે હરએક શ્રધ્ધાનંત આત્મા સ્પંદિત થવા લાગે છે. દિવ્યદેવ પાર્થયક્ષ પૂજિત આ દિવ્ય આરાધના કરવાથી... પરમાત્મા પાર્શ્વનાથથી ઉત્કૃષ્ટ ભક્તિ કરવાથી.. ભક્તિની ભવ્યતાને અંતરથી અનુભવવાથી... પાપકર્મ ક્ષયકારક યંત્ર પૂજન અનુષ્ઠાન કરવાથી. આધિ, વ્યાધિ, ઉપાધિ આદિ ઉપસર્ગોનું પરિશમન થાય છે... અને પરમ શાંતિ, સમાધિ અને પ્રસન્નતા સાથે આધ્યાત્મિક પ્રગતિનું પરિબળ પ્રાપ્ત થાય છે... આધ્યાત્મિક પ્રગતિ કરવા માટે મહાપ્રેરક શક્તિ પ્રાપ્ત થાય છે.....! શ્રી ઉવસગ્ગહર યંત્રનું પૂજન શા માટે?
પૂ. ગુરુદેવની અજોડ સાધના શક્તિ અને પરમાત્મા પાર્શ્વનાથ પ્રત્યેની પરમભક્તિ જ્યારે એકત્ર થઇ નાભિના નાદ દ્વારા સ્તુતિ સ્વરૂપે બહાર આવે છે. ત્યારે એ શક્તિ અને ભક્તિના દિવ્ય પરમાણુઓ આસપાસના વાતાવરણમાં ફેલાઈ એક પોઝીટીવ આંદોલનોથી સમૃધ્ધ ઈલેકટ્રો મેગ્નેટીક ફીલ્ડનું સર્જન કરે છે. મહાપ્રભાવક શ્રી ઉવસગ્ગહર સ્તોત્રના એક એક અક્ષર જ્યારે અંતરઆત્માને પ્રભાવિત કરે છે ત્યારે તે આત્મા પરમાત્મા પ્રત્યેના ભાવોથી ભાવિત થઈ જાય છે... ઉપસર્ગોને ઉપશાંત કરી સુખ, શાંતિ અને સમાધિ દ્વારા ભાવિને ભવ્ય બનાવે છે એ ભવ્યતાને પ્રત્યક્ષ અનુભવવા માટે..!
-
(25)
| SR No. | 009086 |
| Book Title | Uvasaggahara Stotra Guj |
| Original Sutra Author | N/A |
| Author | Namramuni |
| Publisher | Parasdham Mumbai |
| Publication Year | 2011 |
| Total Pages | 50 |
| Language | Gujarati |
| Classification | Book_Gujarati |
| File Size | 8 MB |