________________
આચાર્ય ભદ્રબાહુસ્વામીએ ચતુર્વિધ સંઘ ઉપર આવેલી આફત નિહાળી અને પોતાના જ્ઞાનબળે આ વરાહમિહિર વ્યંતરદેવનું કાર્ય છે તે પણ જાણી લીધું. સંઘ ઉપરના આ ઉપસર્ગને દૂર કરવા તે સમયે પાર્શ્વનાથ ભગવાનની સ્તુતિ કરતાં ‘ઉવસગ્ગહરં સ્તોત્ર'ની રચના કરી. ચતુર્વિધ સંઘની પ્રત્યેક વ્યક્તિને આ સ્તોત્રનો પાઠ કરવાની આજ્ઞા ફરમાવી. સ્તોત્રપાઠના પ્રભાવે વ્યંતરદેવના ઉપસર્ગો શાંત થયા અને ચતુર્વિધ સંઘમાંથી ઉપસર્ગ દૂર થતાં શાંતિ થઈ. આવા મહાપ્રભાવક સ્તોત્રનો પાઠ આજે પણ ઉપસર્ગોનું, વિઘ્નોનું અને બાધાઓનું હરણ કરે છે.
તેનો ૭વાર, ૨૭વાર, ૧૦૮ વારનો પાઠ મહામંગલકારી છે.
